ރީސައިކަލް ކުރާފަދަ ކުނިތައް ވަކިން އެޅޭނެފަދައިން ހުޅުމާލޭގެ އެކި ސަރަހައްދުތަކުގައި ޑަސްބިންތައް ބެހެއްޓުމުގެ އަމަލީ މަސައްކަތްތައް އެޗްޑީސީއިން ފަށައިފިއެވެ.
މި މަޝްރޫޢގެ ދަށުން ހުޅުމާލޭގައި 345 ޑަސްބިން ބެހެއްޓުމަށްވަނީ ހަމަޖެހިފައިއެވެ. މި ޑަސްބިންތައް ބެހެއްޓުމަށް ކަނޑައެޅިފައިވަނީ ހުޅުމާލެ 3 ފިއަވައްސަކަށް ބަހައިގެންނެވެ. އެހެންކަމުން ފުރަތަމަ ފިއަވަހީގައި 41 ދަސްބިން ބެހެއްޓުމަށް ހަމަޖެހިފައިވާ އިރު، ދެވަނަ ފިއަވަހީގައި 108 ޑަސްބިންވަނީ ބެހެއްޓުމަށް ހަމަޖެހިފައިއެވެ. އަދި ތިންވަނަ ފިއަވަހީގައި 196 ޑަސްބިން ބެހެއްޓުމަށްވަނީ ނިންމާފައިއެވެ.
އެޗްޑީސީއިން އިސްނަގައިން ކުރިއަށްގެންދާ މިމަޝްރޫޢގެ ބޭނުމަކީ އާބާދީ ބޮޑުވަމުންދާ ހުޅުމާލޭގައި އިތުރުވަމުންދާ ކުނީގެ މައްސަލަ ހައްލުކުރުމެވެ. މި މަސައްކަތްތައް ކުރިއަށްގެންދިއުމަށް އެޗްޑީސީއިންދަނީ ކަމާއިބެހޭ ފަރާތްތަކާއި އެކު މަސައްކަތްކުރަމުންނެވެ.
ރާއްޖޭގެ މައި ރަށް މާލެ ސިޓީއާއި އެއްފަދައިން ހުޅުމާލޭގައިވެސް ގޭގޭގައި އުފެދޭ ދުވަހު ކުނި ނައްތާލުމުގެ ހިދުމަތްދެނީ ވެމްކޯއިންނެވެ.
advertisment