އުސޫލުތަކަކީ އެވަގުތަކު އެމްޑީޕީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ބޭނުން ފުޅުވާ ގޮތަކަށް ލެނބެންޖެހޭ އެއްޗެއް ކަމުގައި އެމްޑީޕީގެ ކުރީގެ ރައީސް އަދި ފައުންޑަރ އެއް ކަމަށް ވާ އިބްރާހިމް އިސްމާއިލް (އިބްރާ) ވިދާޅުވެއްޖެއެވެ.
ޕްރޮސެކިއުޓަރ ޖެނެރަލް ހުސައިން ޝަމީމް މަގާމުން ވަކި ކުރުމުގެ މައްސަލަ ރައްޔިތުންގެ މަޖިލީހަށް ހުށައަޅައިގެން ކުރިއަށް ގެންދިއުމަށް އެމްޑީޕީގެ ޕާލިމެންޓަރީ ގްރޫޕުން ނެރުނު ވިޕްލައިނާ ދެކޮޅަށް ރައީސް ނަޝީދު ނުކުމެވަޑައިގެންނެވުމާއި ގުޅިގެން އިބްރާހ ވަނީ އެކަމަށް ފާޑު ވިދާޅުވެފައެވެ.
އިބްރާގެ ވާހަކައިގައި ރައީސް ނަޝީދަކީ އުސޫލަށް ތަބާވާން އެއް އިރެއްގައިވެސް ބޭނުންފުޅުވާ ބޭފުޅެއް ނޫން ކަން ހާމަކުރައްވާފައެވެ.
ޕީޖީ ޝަމީމް ގެ މައްސަލައިގައި އެމްޑީޕީގެ ޕީޖީ ގްރޫޕުން އޭނާ ވަކިކުރުމަށް ނިންމުމާއި ގުޅިގެން އެ ކަމާއި ދެކޮޅަށް ވޯޓް ދޭން ތިބި މެމްބަރުންނަކީ ކޮބައިރޯ ރައީސް ނަޝީދު ވަނީ ބައްލަވާފައެވެ.
Whipline aa khilaaf vegen mihaithanah fiyavalhu alhai, party in vaki kuri memberun miadhu bunaanee keekeybaa?
Ahannah abadhuves fenifaivanee Anni akee usoolakah thabaavaan beynun noon meehegge gothugai.
Evaguthaku beynunvaa gothah usool len'ben jeheynee.
— Maverick Ibra (@ibramandhu) June 13, 2022
އެކަމަށް އިޝާރަތްކުރައްވައި އެމްޑީޕީގެ ވަޓްސްއެޕް ގްރޫޕްގައި ރައީސް ނަޝީދު ވަނީ 16 ބޭފުޅަކު ތިއްބެވީ ވިޕްލައިނާ ހިލާފްވެ އެމަނިކުފާނާއި އެކުގައި ކަން ހާމަ ކުރައްވާފައެވެ.
އެމްޑީޕީގެ ވިޕްލައިނާ ހިލާފަށް ވޯޓް ދިނުމަށް ރައީސް ނަޝީދު އެދިވަޑައިގެންފައިވާއިރު، އެމްޑީޕީ އަކީ ފާއިތުވެ ދިޔަ މާޒީގައި ވިޕާއި ހިލާފުވެގެން ސުލޫކީ ފިޔަވަޅު އަޅާ ބައެއް މެމްބަރުން ވަކި ކޮށްފައިވާ ޕާޓީ އެކެވެ.
އެގޮތުން ކުރީގެ ޗެއަރޕާސަން އަދި މަޖިލީހުގެ ނައިބު ރައީސް މޫސާ މަނިކަކީ އެމްޑީޕީގެ ވިޕާއި ހިލާފުވުމުގެ ސަބަބުން ފިޔަވަޅު އަޅާ އެޕާޓީއިން ބޭރުކުރި ފަރާތެކެވެ.
ނަމަވެސް ރީކޯގެ ފަހުން ބައެއް ބޭފުލޫން ޕާޓީގެ ވިޕްލައިނާއި ހިލާފުވި ނަމަވެސް ވަކި ނުކޮށްތިބި ކަން ފާހަގަކޮށްލެވެއެވެ. އެގޮތުން ކައުންސިލް ތަކުގެ ދައުރު ފަސް އަހަރަށް ދިގުކުރުމަށް ނެގި ވޯޓްގައި އެމްޑީޕީގެ 5 މެމްބަރަކު ވޯޓް ދީފައިވަނީ ޕާޓީގެ ނިންމުމާ ދެކޮޅަށެވެ. ނަމެވެސް އޭގެ ތެރެއިން އެންމެ ބޭފުޅަކަށް ވެސް ފިޔަވަޅު އަޅާފައެއް ނުވެއެވެ.
އިބްރާ އިތުރަށް ވިދާޅުވެފައިވާ ގޮތުގައި ބަރުލަމާނީ ނިޒާމެއްގައި ވިޕް އޮންނާނީ ސަރުކާރުގެ ވެރިޔާ ނުވަތަ ބޮޑުވަޒީރުގެ އަތުގައި ކަމަށް ބުނެފައި ވެއެވެ. އަދި އޭނާ ބޭނުން ނުވާ ގޮތަކަށް މަޖިލިސް ގެ އެއް ކަމެއް ވެސް ނުވާނެ ކަމުގައި ހާމަކޮށްފައިވެއެވެ.
Barulamaanee nizaameggai whip onnaanee sarukaaruge veriyaa, Boduvazeeruge athugai. Eynaa beynun nuvaa gothakah Majilihugai ekkamevves nuvaane.
— Maverick Ibra (@ibramandhu) June 13, 2022
ރައީސް ނަޝީދުގެ އަމާޒު އެއް ދުވަސްވަރެއްގައި ހުންނެވީ ބޮޑުވަޒީރު ކަން ހާސިލް ކުރެއްވުމުގެ އަޒުމުގައެވެ. އެދުވަސްވަރު އެކި މުނާސަބަތުގައި އެމަނިކުފާނު ވަނީ ބަރުލަމާނީ ނިޒާމެއްގައި މަޖިލީހުގެ މެމްބަރުންނަށް އެކަކު އަނެކަކަށް ބަހުސް ކޮށް ހެދޭނެ ކަމުގައި ވިދާޅުވެ މަޖިލީހުގައި އެ މައުޟޫއަށް ވާހަކަ ދައްކަވާފައެވެ. އަދި އެމްޑީޕީގެ ގައުމީ މަޖިލީހުގައި އެ ޕާޓީގެ ކޮންގްރެސް އަށް ރައީސް ނަޝީދުގެ ފަރާތުން ހުށައަޅާނެ މުހިއްމު ކަމެއްގެ ގޮތުގައި ވެރިކަމުގެ ނިޒާމާއި ގުޅޭ ގޮތުން ކުރެވޭ ސުވާލު ނުވަތަ ރާއްޖޭގައި އޮންނަން ފެންނަ ވެރިކަމަކާ ގުޅޭ ގޮތުން މަޝްވަރާ ކުރުން ހިމެނެއެވެ.
އެމްޑީޕީގެ ޕީޖީ ގްރޫޕް ތެރޭގައި މައްސަލަ ތަކެއް ޖެހިފައި މިވަނީ އެޕާޓީގެ ޗެއަރޕާސަން އިންތިހާބުގެ ދުވަސްވަރުން ފެށިގެން ކަން ފާހަގަކޮށްލެވެއެވެ. އިންތިހާބުގައި ނާކާމިޔާބު ވެވަޑައިގެން މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ އާއި އެބޭފުޅާގެ ކެމްޕޭން ޓީމް ގައި މަސައްކަތް ކުރެއްވި މަޖިލިސް މެމްބަރުން ގެންދަވަނީ މަޖިލީހުގައި ވެސް އަލަށް އިންތިހާބުވި ޗެއަރޕާސަން އަދި އިކޮނޮމިކް މިނިސްޓަރު ފައްޔާޒް އިސްމާއިލްގެ ޓީމްގެ ބޭފުޅުންނާއި ބަހުގެ ހޫނު ހަމަލާތައް ބަދަލުކުރަމުންނެވެ.
advertisment