ކ. ބަނޑޮސް ގޮނޑުދޮށް ހިމާޔަތްކުރުމުގެ މަޝްރޫއުގެ އަމަލީ މަސައްކަތް ފެށުމަށް ޕްރޮޖެކްޓް ސައިޓް މޮބިލައިޒް ކޮށްފިއެވެ.
އެމްޓީސީސީ އިން ބުނީ ބަނޑޮހުގެ ގޮނޑުދޮށް ހިމާޔަތް ކުރަން ޕްރޮޖެކްޓް ސައިޓް މޮބިލައިޒް ކޮށްފައިވަނީ މިމަހުގެ 13 ވަނަ ދުވަހު ކަމަށެވެ.
މި މަޝްރޫއަކީ އޯކިޑް ހޯލްޑިންގެ ފަރާތުން އެމްޓީސީސީއާ ހަވާލުކޮށްގެން ކުރިއަށް ގެންދާ މަޝްރޫއެކެވެ. މަޝްރޫއުގެ ދަށުން 557 މީޓަރުގެ ސަރަހައްދެއްގައި ބޭރުތޮށި ލުމުގެ މަސައްކަތް ކުރެވިގެނދާނެއެވެ.
އެ ކުންފުނިން ހާމަކުރިގޮތުގައި ވައްޓަރުފަޅުގައި އޮންނަ 3 އާޓިފިޝަލް ރަށެއްގއ ބިން ހިއްކައި ގޮނޑުދޮށް ހިމާޔަތް ކުރުމުގެ މަސައްކަތް ވަނީ އެއްކޮށް ނިންމާލެވިފައި ކަމުގައި އެމްޓީސީސީ އިން ބުނެއެވެ.
ޓޭިރޒަމްގެ ދާއިރާއާއި ގުޅުންހުރި ތަރައްގީގެ ގިނަ މަޝްރޫއު ތަކެއް އެމްޓީސީސީގެ ފަރާތުން ދަނީ ކުރަމުންނެވެ. އޭގެ ތެރޭގައި މިދިޔަ އަަހަރު އެކުންފުނިން ނިންމާ ހަވާލުކޮށްފައިވާ ސެންޓާރާ ނިއު ރިސޯޓް މޯލސްޑިވްސް: ރިކްލަމޭޝަން އޮފް ތްރީ ޑިފަރެންޓް އައިލެންޑްސް އަކީ އެފަދަ ފާހަގަކޮށްލެވޭ މަޝްރޫއެކެވެ.