ހުޅުމާލެ ދެވަނަ ފިޔަވަހީގައި ހުރި ގުދަނެއްގެ ތެރޭގައި ހުރި މާބްލް ޝީޓްތަކެއްގެ ދެމެދުގައި ތާށިވެގެން ސީރިއަސް ޒަހަމްތަކެއް ލިބިގެން ފަރުވާ ދެމުންދިޔަ ދެވަނަ މީހާވެސް މަރުވެއްޖެއެވެ.
ބޮޑެތި ޒަހަމްތަކެއް ލިބުނު މީހާއަށް ފުރަތަމަ ފަރުވާ ދީފައިވަނީ ހުޅުމާލެ ހޮސްޕިޓަލްގައެވެ. ނަމަވެސް ފަހުން އޭނާ އައިޖީއެމްއެޗަށް ބަދަލުކޮށް ފަރުވާ ދެމުން ގެންދިޔައީ ވެންޓިލޭޓަރުގައެވެ.
މިމަހުގެ 12 ވަނަ ދުވަހު ހުޅުމާލެ ދެވަނަ ފިޔަވަހީގައި ޑިންގީ ޖެޓީ ސަރަހައްދުގައި ކޮންޓެއިނަރަކުން މާބުލް ޝީޓްތަކެއް ހުސްކުރަން އުޅުމުގެ ތެރޭގައި ހިނގި މި ހާދިސާގައި ފިތިގެން އެކަކު އެދުވަހު ވަނީ މަރުވެފައެވެ.
މި ހާދިސާގައި މަރުވެފައިވަނީ ދެ ބިދޭސީންނެވެ.