މިދިޔަ އާދީއްތަ ދުވަހުން ފެށިގެން ހޯދަމުން ދިޔަ 17 އަހަރުގެ ކުޑަ އަންހެން ކުއްޖާ ފެނިއްޖެކަމަށާއި ކުއްޖާގެ ހާލު ރަނގަޅުކަމަށް ފުލުހުން ބުނެއްފިއެވެ.
އެ ކުއްޖާގެ ދައްތަ ފޭސްބުކްގައި ކޮށްފައިވާ ޕޯސްޓުގައިވާ ގޮތުން އޭނާ އެންމެ ފަހުން ފެނިފައިވަނީ މިދިޔަ އާދީއްތަ ދުވަހުގެ މެންދުރުފަހު 2:30 ހާއިރެވެ.
ގެއްލިގެން ހޯދަމުން ދިޔައީ އައިމިނަތު ޒާރާ ރިޔާޒް ނަމަކަށް ކިޔާ އައްޑޫ ސިޓީ ފޭދޫއަށް ނިސްބަތްވާ ކުއްޖެކެވެ.
ފުލުހުން މިއަދު ހެނދުނު ބުނި ގޮތުގައި، މާލެ އިން އަންހެން ކުއްޖަކު ގެއްލިފައިވާ ކަމުގެ ރިޕޯޓެއް އެ ކުއްޖާގެ އާއިލާގެ ފަރާތުން ފުލުހުންނަށް ލިބިފައި ވަނީ މިދިޔަ އާދިއްތަ ދުވަހުއެވެ.
މިކަމާއި ގުޅިގެން އިތުރަށް ބަލަން ޖެހޭ ކަންކަން ބަލަމުންދާކަމަށް ފުލުހުންވަނީ ބުނެފައެވެ.
advertisment