ދިވެހިރާއްޖޭގައި މީދާ ގިނަވުމުން، ސިފައިންނާއި، ފުލުހުން ނުކުމެ، މީދާ މަރާ ފަދައިން، “ލިވާތީން” ހައްޔަރުކުރުމަށް ނިކުންނަން ޖެހިފައިވާކަމަށް ދީނީ އިލްމުވެރިޔާ ޑރ މުހައްމަދު އިޔާޒް ވިދާޅުވެއްޖެއެވެ.
ދިވެހި މުޖުތަމައުގެ ތެރޭގައި، އެއް ޖިންސުން ގުޅުން ހިންގުންފަދަ އަމަލުތައް ގިނަވެ، ބަލިތަކެއް ފެތުރިގޮސްފައި އޮވެދާނެކަމުގެ ބިރު ހީވެފައިވާ ދަނޑިވަޅެއްގައި، އެކަމަށް އިޝާރާތްކުރައްވާ، އިޔާޒް ވިދާޅުވީ، މީދާ ގިނަވުމުން، ދިވެހި ސިފައިންނާއި ފުލުހުން ނުކުމެ، އެކަން ކޮންޓްރޯލް ކުރުމަށް މީދާތައް މަރާ އުޅޭ ކަމަށެވެ. އެހެންކަމުން އެފަދައިން މިހާރު އެއްޖިންސުން ގުޅުން ހިންގާ ފަރާތްތައްވެސް ގިނަވެފައިވުމުން، އެ ފަރާތްތައް ހައްޔަރު ކުރުމަށްވެސް ސިފައިންނާއި ފުލުހުން ނުކުންނަން ޖެހިފައިވާކަމަށް އިޔާޒް ފާހަގަކުރެއްވިއެވެ.
މީދާ ގިނަވެގެން އުޅޭ ދުވަސްވަރު ސިފައިންނާއި ފުލުހުން ނިކުމެ މީދާމަރަން އުޅޭ ފަދައިން މިއަދު މުޖްތަމަޢު ޚަރާބުކުރަމުންދުވާ ލިވާޠީންތައް ހައްޔަރުކުރަން ނިކުންނަންޖެހޭ. @PoliceMv @MNDF_Official
— Dr.Mohamed Iyaz (@dr_iyaz) July 24, 2022
ދިވެހި ފުލުހުންނާއި ސިފައިން ނުކުމެ، މީދާ މެރުމަށް ހަރަކާތްތެރިވާފަދައިން، އެއްޖިންސުން ގުޅުން ހިންގަމުންދާ ފަރާތްތައް ހައްޔަރު ކުރުމަށް ނުކުންނަން ވެފައިވާކަމަށް ފާހަގަކުރައްވާ އިޔާޒވަނީ، ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު އަދިވެސް ހޭއަރަން ވަގުތު ޖެހިފައިނުވޭތޯ ސުވާލުކުރައްވާފައިއެވެ. އަދި ދީނުގައި ނަހީ ކުރައްވާފައިވާ އަމަލުތައްކަމަށް އަރައިގަތުން ގިނަވެގެންދާނަމަ، އެކަމުގެ ކޯފާ އަންނަނީ އެންމެހާ ރައްޔިތުންވެސް ޝާމިލުވާގޮތަށްކަމަށްވެސް އިޔާޒް ފާހަގަކުރެއްވިއެވެ.
އަދިވެސް ހޭއަރާ ވިސްނޭކަށް ނުވޭތޯ؟ ﷲ ނަހީ ކުރެއްވި ފާޙިޝްކަންބޮޑު މުޑުދާރު ޢަމަލުތަކަށް އަރައިގަންނަނަމަ ދެދުނިޔޭގައި އެކަމުގެ ޢުޤޫބާތް ލިބުމަކީ ގާތްކަމެއް. މިކަން ނުހުއްޓުވައިފިނަމަ ކޯފާ އަންނާނީ އެންމެން ޝާމިލުވާގޮތަށް. @ibusolih https://t.co/oV0pfOnv6z
— Dr.Mohamed Iyaz (@dr_iyaz) July 24, 2022
ވެކްސިނަކީ ފާޙިޝް އަމަލުތަކާއި އެކަމަށް މަގުފަހިކޮށްދޭ ހުރިހާ ދޮރުތަކެއް ބަންދުކުރުން. އަދި މުޑުދާރު ފާޙިޝް ޢަމަލު ހިންގާމީހުންނަށް ޙައްޤު އަދަބު ދިނުން. https://t.co/Mpa4LKOa05
— Dr.Mohamed Iyaz (@dr_iyaz) July 24, 2022
ދިވެހިރާއްޖޭގަައި މިވަގުތު ހިނގަމުންދާ ބޮޑެތި ފާހިޝްއަމަލުތަކުގެ ސަބަބުން ކޯފާއެއް އައިސްދާނެކަމަށް ފާހަގަކުރައްވާ، ރައީސް ސާލިހަށް ހޭވެރިކަން އަންނަ ވަގުތު ޖެހިފައިނުވޭތޯ ސުވާލު ކުރެއްވުމުގެ އިތުރުން އިޔާޒް ވިދާޅުވީ، އެއެޖިންސުން ގުޅުން ހިންގުންފަދަ ފާހިޝް އަމަލުތަކަށް އޮތް “ވެކްސިނަކީ” އެކަމަށް މަގުފަހިވާގޮތަށް ހުޅުވިފައިވާ ހުރިހާ ދޮރުތަކެއް ބަންދުކުރުންކަމާއި، އެފަދަ އަމަލުތައް ހިންގާ ފަރާތްތަކަށް ހައްގުވާ އަދަބުތައް ދިނުންކަމަށްވެސް އިޔާޒް ވިދާޅުވިއެވެ.
ދިވެހިރާއްޖޭގައި ފާހިޝް އަމަލުތައް ހިންގަމުންދާކަމަށް ފާހަގަކޮށް، އިޔާޒް އެކަމާއި ކަންބޮޑުވުން ފާޅުކުރެއްވިއިރު، ދާދި ފަހުން ލީކުވެފައިވާ ވީޑިއޯތަކުގެ މައްސަލައިގައި، ފުލުހުންގެ މުއައްސަސާއިން ކޮށްފައިވާ ތަހުގީގު ތެރެއިން، އެފަދަ އަމަލުތަކެއް އަލަމްގީރުއާއިއެކު ހިންގުމުގައި 250 ދިވެހި ފިރިހެނެއް ހިމެނިފައިވާކަމަށް އެ ފުލުހުންވަނީ ހާމަކޮށްފަވެއެވެ.
advertisment