ބޭނުންނެތް މަޤާމުތައް އުފައްދާ އިސްރާފްކުރަމުން ދާއިރު އެކަމަށް އެއްްޗެއް ބުނަން ކެރޭ ވަރުގެ މީހަކު އެމްޑީޕީގައި ނެތްކަމަށް އިދިކޮޅު ކޯލިޝަންގެ އެޑްވައިސަރު ޑރ. ޝަހީމް އަލީ ސައީދު ވިދާޅުވެއްޖެއެވެ.
ބޭނުމެއްނެތް ބޭކާރު މަޤާމުތައް ސަރުކާރުގެ ތެރޭގައި އުފައްދާތީ އެކަމާ ހިތްހަމަނުޖެހުން ފާޅުކުރައްވާ ޑރ ޝަހީމް ކުރެއްވި ޓުވީޓުގައިވަނީ ދިވެހި ހާރިޖިއްޔާގެ ތެރޭގައި މިހާރު ވަނީ ރަސްކަމެއް ގާއިމުކޮށްފައި ކަމަށާއި، ދައުލަތަށް ބޭނުން ނުވާ މަގާމުތައް އުފައްދައި އިސްރާފު ކުރަމުންދަނީ ރައްޓެހިންނާއި “ބޭފުޅުން” ރާއްޖެއިން ބޭރުގައި ލަގްޒަރީ ދިރިއުޅުންތަކުގެ ރުކުން ހަމަކުރަން ކަމަށެވެ.
Khaarijiyaa ge thereyga mihaaru othee Raskameh Qaaimu koffa. Rattehinaai "beyfulhun" Raajjein beyruga luxury dhiriulhunthakuge rukun hamakuran, dhaulathah beynun nuvaa Maqaamuthah ufadhai israafukuramun dhey. Mikamah ehcheh bunaane, nuvataha Bunan kerey meehehe MDP aku ves ney. https://t.co/07ILIPFeAk
— Mohamed Shaheem Ali Saeed (@Mohamedshaheem1) August 15, 2022
އަދި އެކަމާ ދޭތެރޭ އެއްޗެއް ބުނާނެ ނުވަތަ ބުނަން ކެރޭނެ މީހަކުވެސް ވެރިކަންކުރާ މައި ޕާޓީ، އެމްޑީޕީގައި ނެތްކަމަށް ޑރ. ޝަހީމް ވިދާޅުވި އެވެ.
މި ސަރުކާރުން ވަނީ އެމީހުންގެ ރައްޓެހިންނާއި އާއިލާ ފަރާތްތަކަށް ހާއްސަކޮށްގެން ބޮޑު މުސާރަ ލިބޭ ގިނަ ސިޔާސީ ވަޒީފާތަކެއް އުފައްދާފަ އެވެ. އޭގެ ތެރެއިން ގިނަ ވަޒީފާތައް ދީފައިވަނީވެސް ގާބިލްކަން ނެތް ސިޔާސީ މީހުންނަށެވެ.
advertisment