މިނިސްޓްރީ އޮފް އެންވަރޮމެންޓް، ކްލައިމެޓް ޗޭންޗް އެންޑް ޓެކޮނޮލޮޖީގެ ސްޓޭޓް މިނިސްޓާ، ޖުމްހޫރީ ޕާޓީގެ ތަރުޖަމާނު އަލީ ސާލިހަށް ތޫނު އެއްޗަކުން ހަމަލާދިން މައްސަލައާއި ގުޅިގެން ހައްޔަރުކުރެވުނު މީހާގެ ބަންދަށް 15 ދުވަސް ޖަހައިފިއެވެ.
ހުކުމް ކޮށްފައިވަނީ ހުޅުޟާލެ މެޖިސްޓްރޭޓު ކޯޓުންނެވެ.
މި މައްސަލަ ފުލުހުންނަށް ރިޕޯޓު ކޮށްފައިވަނީ އިއްޔެ މެންދުރުގެ ވަގުތެއްގައިކަމަށް ފުލުހުންވަނީ މައުލޫމާތުދީފައެވެ.
ފުލުހުން އިތުރަށް ބުނެފައިވަނީ މި މައްސަލައާއި ގުޅިގެން ދިވެހި ފިރިހެނަކު ހައްޔަރުކޮށްފައިވާކަމަށާއި މައްސަލަ އިތުރަށް ތަހުގީގުކުރަމުންދާނެކަމަށެވެ.
އަލީ ސާލިހަށް ހަމަލާދޭން މަސައްކަތްކުރާ ވީޑިއޯ ވަނީ ސޯޝަލް މީޑިއާގައިވެސް އާންމުވެފައިވާއިރު، އޭނާ އަށް ހަމަލާ ދިނުމަށް މަސައްކަތްކޮށްފައިވަނީ ކަޓަރެއް ބޭނުންކޮށްގެން ކަރަށެވެ.
advertisment