ރައީސުލްޖުމުހޫރިއްޔާ އިބްރާހިމް މުހައްމަދު ސާލިހަކީ 2023ގެ ރިޔާސީ އިންތިހާބަށް އެމްޑީޕީގެ ކެނޑިޑޭޓުނަމަ، ރަނގަޅުވާނީ ސިޔާސީ މަސައްކަތްތައް ދޫކޮށްލާ، އިސްލާހިއްޔާއަށް ދިއުންކަމަށް ކުރީގެ ކޮމިއުނިކޭޝަންސް މިނިސްޓަރު މުހައްމަދު މަލީހު ޖަމާލް ވިދާޅުވެއްޖެއެވެ.
މަޖިލީހުގެ ރައީސް މުހައްމަދު ނަޝީދު ނިމިދިޔަ އެމްޑީޕީގެ ކޮންގްރެސް އަށް ހުށައެޅި ގަރާރު އަނބުރާ ގެންދިއުމާއި ގުޅިގެން ރައީސް ސާލިހުގެ ފެކްޝަނަށް ބޮޑު ކާމިޔާބީއެއް ލިބިފައިވާ ދަނޑިވަޅެއްގައި އެ މަނިކުފާނަކީ އެމްޑީޕީގެ ރިޔާސީ ކެންޑިޑޭޓުކަމަށް ވެދާނެކަމަށް އިޝާރާތްކުރައްވާ މަލީހު ވިދާޅުވީ ތައުލީމާއި ތަޖުރިބާ ހުރި އަދި އަހުލާގީ ފެންވަރު ރަނގަޅު އެތައް ބަޔަކު އެމްޑީޕީގައި ތިބޭނެކަމަށެވެ.
މަލީހު ވިދާޅުވީ އެފަދަ ބަޔަކު އެމްޑީޕީގައި ތިބި އިރު، ރިޔާސީ ރޭހަށް ރައީސް ސާލިހު ނޫން ބޭފުޅަކު ނެރުމަށް އެމްޑީޕީއަށް ނުފެނިއްޖެ ހާލަތެއްގައި އެންމެ އެދެވޭ ގޮތަކީ، ސިޔާސީ ކަންކަން ހުއްޓާލުމަށްފަހު، އިސްލާހިއްޔާއަށް ދިއުންކަމަށެވެ. އަދި ދިވެހިރާއްޖޭގެ މުޖުތަމުގެ ތެރޭގައި ހިންގަމުންދާ ނޭދެވޭ އަމަލުތަކަކީވެސް އެމްޑީޕީގެ ސަބަބުން ކުރިމަތިވެފައިވާ ކަންކަންކަމަށް ސިފަ ކުރައްވާ އޭނާ ވިދާޅުވީ، ގިނަ މައްސަލަތަކުގެ މައި މުލަކީވެސް އެމްޑީޕީކަމަށެވެ.
ތަޢުލީމާއި ތަޖުރިބާއާއި އަޚްލާޤީގޮތުން ރަނގަޅު އެތައްބަޔަކު ތިބި އެމްޑީޕީއިން އަނެއްކާވެސް ރ.ސޯލިހް ނޫން އެހެންބޭފުޅަކު ރިޔާސީ ރޭހަށް ނެރެން ނުފެނުނިއްޔާ ރަނގަޅުވާނީ ފުރަތަމަ ސިޔާސީ ކަންކަން ހުއްޓާލާފަ އިސްލާާހިއްޔާއަށް ދިޔައިއްޔާ. ޤައުމުގެ ގިނަ މައްސަލަތަކުގެ މައި މުގުލަކީ MDP.
— Mohamed Maleeh Jamal (@maleehjamal) August 26, 2022
އެމްޑީޕީ ޒަމާން.އުދަގޫވާތީ އޭކިޔާ އަޑުމަޑުކުރުން.ދެ މިސްކިތް ކައިރި ކަމަށް ބުނެ އެއް މިސްކިތުން ބަންގި ނުގޮވުން.އާބާތުރަ ނުފިލުވުން. މިންބަރަށް އަރާ ހުރުމަތް ކަނޑަން މީހުން ފޮނުވުން.މިސްކިތަށް ކުޑަ ކަމު ދިއުން.ޑްރަގީސް މިސްކިތުގައި ނިދުން އޯކޭ ކުރުން. މިސްކިތް ކުއްޔަށް ދޫކުރުން. pic.twitter.com/Y9kDFF12vr
— Mohamed Maleeh Jamal (@maleehjamal) August 26, 2022
ރިޔާސީ ކެނޑިޑޭޓަކަށް ރައީސް ސާލިހު އައުމަކީ، ޕާޓީ ފެއިލްވުމާއި އެއްފަދަކަމެއްކަމަށް ސިފަކުރެއްވުމުގެ އިތުރުންވެސް މަލީހުވަނީ އެމްޑީޕީއަށް ފާޑުކިޔުންތަކެއް އަމާޒު ކުރައްވާފައެވެ. އެގޮތުން އޭނާ ވިދާޅުވީ، އެމްޑީޕީގެ ޒަމާނުގައި މިސްކިތްތަކުން ބަންގީގެ އަޑު ޖެހުމުން އުނދަގޫވާކަމަށްބުނެ، އަޑުމަޑު ކުރުވާކަމަށެވެ. އަދި ދެ މިސްކިތް ކައިރި ކަމަށް ބުނެ ބަންގި ނުގޮވުން، އަދި މިސްކިތުގެ ހުރުމަތް ކެނޑިގެންދާ އަމަލުތައް އާންމުވެފައިވާކަމަށްވެސް އޭނާ ފާހަގަކުރެއްވިއެވެ.