ކ އަތޮޅު މަދަރުސާގެ(ކ. ކާށިދޫ) އައު އިމާރާތުގެ މަސައްކަތް ނިމި، އެ އިމާރާތް ބޭނުންކުރަން މިއަދު ފދަށައިފިއެވެ.
އެ މަދަރުސާގެ އައު އިމާރާތް ބޭނުންކުރަން ފެށުން މިއަދު އެ ސުކޫލުގައި ކުލަގަދަކޮށްވަނީ ފާހަގަކޮށްފައެވެ. މިކަމާއި ގުޅިގެން އެޑިއުކޭޝަން މިނިސްޓްރީން ކޮށްފައިވާ ޓުވީޓުގައިވަނީ މިއަދުން ފެށިގެން އެ ސުކޫލުގައި ކިޔަވައިދެމުން ދާނީ އެއް ދަންފަޅިއަކަށް ކަމަށެވެ.
ކ އަތޮޅު މަދަރުސާގައި އަލަށް އެޅި އިމާރާތަކީ 16 ކްލާސްރޫމް ހިމެނޭ 4 ބުރީގެ އިމާރާތެކެވެ.
މި އިމާރަތް އެޅުމަށް އެގްރީމެންޓުގައި ސޮއިކޮށްފައިވަނީ 2019 ވަނަ އަހަރުގެ ޖުލައި މަހުގެ އެއްވަނަ ދުވަހުއެވެ. އަދި އިމާރާތުގެ ބިންގާ އަޅުއްވާދެއްވީ ނައިބު ރައީސް ފައިސަލް ނަސީމް އާއި އެޑިއުކޭޝަން މިނިސްޓަރު އާއިޝަތު ޢަލީއެވެ. އެއީ 2019 ވަނަ އަހަރުގެ އެޕްރީލް ދެ ވަނަ ދުވަހުއެވެ.
advertisment