މަރުވިތާ އެއް އަހަރަށްވުރެ ގިނަ ދުވަސްވެފައިވާ މީހަކު ފުލުހަށް ހާޒިރުވުމަށް އިއުލާނު ކުރުމުން އެތައް ބައެއްގެ ފާޑުކިޔުން ފުލުހުންނަށް އަމާޒުވެއްޖެއެވެ.
ފުލުހުން މިއަދު ކޮށްފައިވާ އިއުލާނުގައިވަނީ އދ. ދަނގެތި، ފެހިވިލާ، ޝަކުލުﷲ އަލީ، 41، ހާޒިރުކުރަނީ ފޯނުން ގުޅައި މަކަރާއި ހީލަތުން ފައިސާ ހޯދާފައިވާ މައްސަލައިގެ ތަހުގީގަށް ފުލުހަށް ހާޒިރުވުމަށް އަންގާފައެވެ. އަދި އޭނާ އުޅޭ ތަނެއް ނޭނގޭތީ މައްސަލައިގެ ތަހުގީގަށް ހާޒިރުކުރުމަށް ޗިޓު ރައްދުކުރެވިފައިނުވާ ކަމަށް ވެސް ފުލުހުންގެ އިއުލާނުގައި ބުނެފައިވެ އެވެ.
27 ޖުލައި 2020 ގައި ހުށައެޅި މައްސަލައެއް ތަޙްގީގު ކުރަން ހޯދަން އިއުލާން ކުރީ މިއަދު. އެވެސް އެމީހާ މަރުވެ އަހަރަކަށްވުރެ ގިނަދުވަސް ފަހުން.
މިހާވަރަށް ފުލުހުންގެ ޙިދުމަތް ފުޅާކުރީމަ ބުނާނެއެއްޗެއްވެސް ނޭނގިފަ މިހުރީ 🥺🥺@M_Hameedh @ShimranAb @PoliceMv pic.twitter.com/WfOmpJdPEY— TᕼOᖇEY (@thoreyx) August 28, 2022
ނަމަވެސް އެމީހާވަނީ 2021ވަނަ އަހަރުގެ ޖޫން 19 ވަނަ ދުވަހު ކޮވިޑުގައި މަރުވެފައެވެ.
މި އިއުލާނާއި ގުޅިގެން އާއްމުންގެ އެތައް ބަޔަކު ފާޑުކިޔަމުން ބުނެފައިވަނީ މިފަދަ ޒިންމާދާރުކަން ކުޑަ ކަމެއް ފުލުހުންގެ މުއައްސަސާއިން ކުރުމުން ބުނާނެ އެއްޗެއް ނެތްކަމަށާއި ފުލުހުންގެ ،މުއައްސަސާ އިތުރަށް ފުޅާވުމުން ދިމާވާ ކަންކަން ކަމަށްބުނެ މަލާމާތުގެ ބަސްތައްވެސް އާއްމުންވަނީ ރައްދުކޮށްފައެވެ.
advertisment