ރެފްކޫލްއިން މާލޭގައި އާ ފިހާރައެއް ހުޅުވައި ޕްރޮމޯޝަނެއް ފަށައިފިއެވެ.
ރެފްކޫލް އިން ބުނީ މާލޭގެ ފަރީދީ މަގުގައި ހުޅުވާފައިވާ އާ ފިހާރައިން ކުރިން އެ ކުންފުނީގެ ފިހާރަތަކުން ނުފެންނަ އެތައް ސާމާނެއް ފެނިގެންދާނެއެވެ. ރެފްކޫލްގެ އާ ޝޯރޫމު ހުޅުވުމާއި އެކު ކުރިއަށް ގެންދާ ޕްރޮމޯޝަން ކުރިއަށް ގެންދާނީ އޮކްޓޯބަރުމަހުގެ 6 ވަނަ ދުވަހުގެ ނިޔަލަށެވެ.
ރެފްކޫލްގެ ޕްރޮމޯޝަންގައި ބައިވެރިވެވޭނީ އެ ފިހާރައަށް ޒިޔާރަތްކުރާ ފަރާތްތަކަށެވެ. ޕްރޮމޯޝަން މެދުވެރިކޮށް ނަސީބުވެރި ފަރާތަކަށް ލިބިގެންދާނީ ގްރީގެ 9000 ބީޓީޔޫ އޭސީއެކެވެ.
ރެފްކޫލިން އަލަށް ހުޅުވި ފިހާރައިގެ މައިގަނޑު އަމާޒަކީ ރައްޔިތުނަށް ކޮމާޝަލް ބޭނުންތަކަށް ހޯދާ އާލަތްތައް ފޯރުކޮށްދިނުން ކަމަށް އެ ކުންފުނިންވަނީ ފާހަގަކޮށްފައެވެ.
ރެފްކޫލްއިން ބުނެފައިވާގޮތުން، އަލަށް ހުޅުވި ފިހާރައިގައި ގޭގޭގެ ކޮޓަރިން ފެށިގެން ބޮޑެތި ޖާގަތައް ފިނި ކުރުމަށް ބޭނުންވާނެ ހައްލުތައްވެސް ލިބިގެންދާނެއެވެ.
advertisment