ވަގަށް ވެހިކަލް ރަޖިސްޓްރީކުރާ މައްސަލަގައި، ފިޔަވަޅު އަޅާއިރު މޫނަކަށް ކަނދުރާއަކަށް ނުބަލާނެކަމަށް ޓްރާންސްޕޯޓު މިނިސްޓާ އައިޝަތު ނަހުލާ ވިދާޅުވެއްޖެއެވެ.
ޓުވީޓެއްކުރައްވާ ނަހުލާ ވިދާޅުވީ ޓްރާންސްޕޯޓް މިނިސްޓްރީގެ މަސައްކަތްތައް ހަރުދަނާ ކުރުމަށް ކުރަމުންދާ މަސައްކަތްތަކުގެ ތެރެއިންނާއި ހަދަމުންދާ އޯޑިޓް ތެރެއިން އޮޅުވާލައިގެން ރަޖިސްޓަރކޮށްފައިވާ އުޅަނދުތައް ދަނީ ފެންނަމުންކަމަށެވެ.
ޓްރާންސްޕޯޓް މިނިސްޓްރީގެ މަސައްކަތްތައް ހަރުދަނާ ކުރުމަށް ކުރަމުންދާ މަސައްކަތްތަކުގެ ތެރެއިންނާއި ހަދަމުންދާ އޯޑިޓް ތެރެއިން އޮޅުވާލައިގެން ރަޖިސްޓަރކޮށްފައިވާ އުޅަނދުތައް ދަނީ ފެންނަމުން.
— Aishath Nahula (@aishath_nahula) October 6, 2022
އުޅަނދު ރަޖިސްޓަރ ކުރުމުގައި ގަވާއިދުގެ ތެރެއިން ކުރުމަށް އިލްތިމާސްކުރައްވާ މިނިސްޓާ ނަހުލާ ވިދާޅުވެފައިވަނީ، ގަވާއިދާއި ހިލާފަށް ރަޖިސްޓަރ ކޮށްފައިވާ އުޅަނދުތަކުގެ ރަޖިސްޓްރީ ބާތިލް ކުރާނެކަމަށެވެ.
ގަވާއިދާއި ހިލާފަށް ރަޖިސްޓަރ ކޮށްފައިވާ އުޅަނދުތަކުގެ ރަޖިސްޓްރީ ބާތިލް ކުރާނެ ވާހަކަ ދަންނަވަން. އުޅަނދު ރަޖިސްޓަރ ކުރުމުގައި ގަވާއިދުގެ ތެރެއިން ކުރުމަށް އިލްތިމާސްކުރަން.
— Aishath Nahula (@aishath_nahula) October 6, 2022
ކޮރަޕްޝަނަށް ޒީރޯ ޓޮލަރެންސް އަކީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ވައުދުފުޅެއްކަމަށް ފާހަގަކުރައްވާ ނަހުލާ ވިދާޅުވީ ކޮރަޕްޝަން ހުއްޓުވުމަށް އަޅަންޖެހޭ ކޮންމެ ފިޔަވަޅެއް ވަކި މީހަކަށް ބެލުމެއްނެތި އަޅާނެ ކަމަށެވެ.
ޒީރޯ ޓޮލަރެންސް ޓު ކޮރަޕްޝަނަކީ، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ވައުދުފުޅެއް. ކޮރަޕްޝަން ހުއްޓުވުމަށް އަޅަންޖެހޭ ކޮންމެ ފިޔަވަޅެއް ވަކި މީހަކަށް ބެލުމެއްނެތި އަޅާނެ ކަމުގެ ޔަގީންކަން އަރުވަން.
— Aishath Nahula (@aishath_nahula) October 6, 2022
މިކަންތައްތައް ހަމަމަގަށް އެޅުމުގައި އެއްވެސް ފަސްޖެހުމެއްނެތި މަސައްކަތްކުރާނެކަމަށްވެސް މިނިސްޓާ ނަހުލާ ވަނީ ވިދާޅުވެފައެވެ.
އަދި، މިކަންތައްތައް ހަމަމަގަށް އެޅުމުގައި އެއްވެސް ފަސްޖެހުމެއްނެތި މަސައްކަތްކުރާނެ ކަމުގެ ޔަގީންކަން އަރުވަން.
— Aishath Nahula (@aishath_nahula) October 6, 2022
ނަހުލާ މިފަދައިން ވިދާޅުވީއިރު، ޓްރާންސްޕޯޓް މިނިސްޓްރީގެ ތެރެއިން ގަވާއިދާއި ހިލާފަށް ރެޖިސްޓްރީގެ ކަންކަން ކޮށްދޭ ވާހަކަ ދާދިފަހުންވެސް މީޑިއާތަކުގައި ވަނީ ފެންމަތިވެފައެވެ. އެގޮތުން ޓެސްޓް ހެދުމަކާ ނުލައި އެއްގަމު އުޅަނދު ދުއްވުމުގެ ލައިސަންސް ވިއްކަން ސޯޝަލް މީޑިއާގައި ފާޅުކަން ބޮޑުކޮށް އިއުލާނު ކުރަން ފަށާފައިވާކަމަށްވެސް ބައެއް މީޑިއާތަކުގައި ރިޕޯޓުކުރިއެވެ. މިނިސްޓްރީގެ ތެރެއިން ބާރުވެރި މަގާމުތަކުގައި ތިބޭ ފަރާތްތައް މެދުވެރިކޮށްވެސް މިފަދަ ކަންތައްައް ކުރަމުންގެންދާކަމަށް މައުލޫމާތުލިބެއެވެ.
