މަސްވެރިންގެ ހައްގުގައި އިދިކޮޅުން އިއްޔެ ހަވީރު މަސްމާރުކޭޓް ސަރަހައްދުގައި ކުރިއަށްގެންދިޔަ މުޒާހަރާގައި ހައްޔަރުކުރި މީހުންގެ ތެރެއިން އެކަކު ފިޔަވައި އެހެން އެންމެން ދޫކޮށްލައިފިއެވެ.
އިއްޔެ ހައްޔަރުކޮށްފައިވަނީ 7 އަންހެނުންގެ ބަންދުގެ މުއްދަތު ޖެހުމަށް ކޯޓަށް ނުގެންގޮސް ދޫކޮށްލުމަށް ފުލުހުން ނިންމާފައިވާ ކަމަށް ވަނީ މައުލޫމާތު ލިވިފއެވެ.
ހައްޔަރުކުރި 3 ފިރިހެނުންގެ ތެރެއިން އެކަކު ކޯޓަށް ނުގެންގޮސް ދޫކޮށްލުމަށް ނިންމާފައިވާއިރު އެކަކު ވަނީ ޝަރުތުތަކަކާއެކު ކްރިމިނަލް ކޯޓުން ދޫކޮށްލުމަށް ނިންމާފައެވެ. އަދި 3 ވަނަ މީހާގެ ބަންދަށް ކޯޓުން ވަނީ 3 ދުވަހުގެ މުއްދަތެއް ޖަހާފައެވެ.
މަސްވެރިން ބާނާ މަހަށް ހަމަ އަގު ނުލިބޭތީ އާއި މަސްވެރިންނަށް މިސަރުކާރުން ވީ ވައުދުތައް ނުފުއްދޭތީ ކަމަށް ބުނެ އިދިކޮޅުން އިއްޔެ މުޒާހަރާ ކޮށްފައިވަނީ މަސްމާރު ކޭޓް ސަރަހައްދުގައެވެ. އެ މުޒާހަރާގައި 10 މީހަކު ފުލުހުން ވަނީ ހައްޔަރު ކޮށްފައެވެ.
advertisment