މިހާތަނަށް 1366 މީހުން ބޫސްޓަރ ޑޯޒްގެ ދެވަނަ ޑޯޒް ޖަހައިފިއެވެ.
އެޗްޕީއޭ އިން ބުނި ގޮތުގައި މިހާތަނަށް 167،087 މީހަކު ވަނީ ކޮވިޑް ވެކްސިންގެ ބޫސްޓަރ ޑޯޒްގެ ފުރަތަމަ ޑޯޒް ޖަހާފައެވެ. އަދި 385،027 މީހުން ވަނީ ކޮވިޑް ވެކްސިންގެ ދެވަނަ ޑޯޒް ޖަހާފައެވެ. 399،131 މީހުން ވެކްސިންގެ ފުރަތަމަ ޑޯޒް ޖަހާފައިވާއިރު، ކޮވިޑް ވެކްސިން އިން ދިފާއުވުމަށް ބޫސްޓަރ ޑޯޒްގެ 4 ވަނަ ޑޯޒެއް ދެމުން އަންނަ ކަން ފާހަގަކޮށްލެވެއެވެ. އެގޮތުން މިދިޔަ ސެޕްޓެމްބަރ މަހުގެ 8 ވަނަ ދުވަހުން ފެށިގެން 18 އަހަރުން މަތީގެ މީހުންނަށް ބޫސްޓަރ 4 ވަނަ ޑޯޒް ދެމުންގެންދާ ކަމަށް އެޗްޕީއޭ އިން ވަނީ ބުނެފައެވެ.
އެޗްޕީއޭ އިން ބުނި ގޮތުގައި ބޫސްޓަރ 4 ވަނަ ޑޯޒްގެ ފުރަތަމަ ޑޮޒް ޖަހަނީ ބޫސްޓަރ 3 ވަނަ ޑޯޒް ޖެހިފަހުން 4 މަސް ވެފައިވާ މީހުންނަށެވެ.
ކޮވިޑް19 އިން ދިފާއު ވުމަށް ރާއްޖޭގައި ވެކްސިން ދެމުންގެންދާއިރު ތަފާތު އެކި ނަންނަމުގެ ވެކްސިން ދެމުންދާ ކަން ފާހަގަކޮށްލެވެއެވެ. އޭގެ ތެރޭގައި ކޮވިޝީލްޑާއި ސައިނޮފާމް ގެ އިތުރުން ފައިޒާ ވެކްސިން ހިމެނެއެވެ.
advertisment