ބިރުވެރި ހަނދާންތަކެއް ގެނުވައިދޭ ”ސިއްކަގެ ދުވަސް“ އަނބުރާ އައިސްފައިވާކަމަށް ކުރީގެ ރައީސް އަދި އިދިކޮޅުގެ ރިޔާސީ ކެނޑިޑޭޓް އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެއެވެ.
ނަސްރުގެ ދުވަހު ކުރެއްވި ޓްވީޓްގައި ރައީސް ޔާމީން ވިދާޅުވީ، ނޮވެމްބަރު 3 ގެ އުދުވާނީ ހަމަލާގެ ސަބަބުން، ވޭތުވެދިޔަ ތިން ގަރުނުގެ ޖީލުތައް އަދިވެސް ތަދުތަކެއް ތަހައްމަލު ކުރަމުންދާކަމަށެވެ.
The dreaded Sikka day is back again Four n 3decades in pain Four n more grenades were tossed to their gain A saviour force scorned for its gain A score less one couldn’t say Amen
— Abdulla Yameen (@prz_ymn) November 3, 2022
އެމަނިކުފާނު ވިދާޅުވީ ”ސިއްކަ“ ގެ މަންފާއަކަށް އެތައް ގްރެނޭޑެއް ބޭނުން ކުރިކަމަށެވެ. އަދި އެކަން ކުރުމަށްޓަކައި، ގައުމު ރައްކައުތެރިކުރުމަށް އެކުލަވާލެވިފައިވާ އަސްކަރީ ބާރުތަކަށް ހަމަލާތަކެއް އަމާޒު ކުރިކަމަށާއި އެ އަމަލުތަކުގެ ސަބަބުން ރައްޔިތުންނަށްވެސް ވެގެންދިޔައީ ހުސް ގެއްލުންކަމަށާއި އެއްވެސް ފައިދާއެއް ވެފައިނުވާކަމަށްވެސް ރައީސް ޔާމީން ވިދާޅުވިއެވެ.
1988 ވަނަ އަހަރުގެ ނޮވެމްބަރުމަހުގެ 3 ވަނަ ދުވަހަކީ ބާގީ އަބްދުﷲ ލުތުފީ ދުޝްމިނު ލަޝްކަރެއް ގޮވައިގެން މާލެ އެރި ދުވަހެވެ. ދުޝްމިނުން އެންމެ ފުރަތަމަ ހަމަލާތައް އަމާޒު ކުރީ ދިވެހި ސިފައިންގެ މައި މަރުކަޒަށެވެ. އެހެން ނަމަވެސް ހދ. ކުޅުދުއްފުށީ، މާވާގޭ ކޯޕްރަލް ޙުސައިން އާދަމް އަދި ސިފައިންގެއިން ދޭންފެށި ރައްދު ޙަމަލާގެ ސަބަބުން ދުޝްމިނުންގެ ހަމަލާތަކަށް ބޮޑެތި ހުރަސްތަކެއް އެޅިގެންދިޔައެވެ. މި ހަމަލާތަކުގެ ތެރޭގައި ދިވެހިންގެ 19 މީހަކު ޝަހީދުވެގެންދިޔައެވެ.
