ނޮވެމްބަރު 3 ވަނަ ދުވަހު ރާއްޖެއަށް ދިން އުދުވާނީ ހަމަލާ އާއި ސިއްކަ އަހުމަދު އިސްމާއިލް މަނިކާއި ގުޅުވައި ވާހަކަ ދެއްކުމަކީ ސިއްކަގެ އަބުރަށް އަރިގަތުން ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
3 November ge hamalaiga Sikka Ahamed Ismail Manik ge aburah araigathun eh gothakahves balaeh nuganevey. Eyna ah inthiha ah aniyaakoh maruge thunfaiy mahchah genes eynaa athun negi iuthiraaf bayaanakee bodu olhuvaalumeh.
— Mohamed Nasheed (@MohamedNasheed) November 4, 2022
ރައީސް ނަޝީދުގެ ޓްވީޓްގައި ވިދާޅުވެފައިވަނީ ނޮވެމްބަރު 3 ގެ ހަމަލާގައި ސިއްކަ ގެ އަބުރަށް އަރައިގަތުން އެއްގޮތަކަށް ވެސް ބަލައިނުގަނެވޭ ކަމަށެވެ. އަދި އޭނާ އަށް އިންތިހާއަށް އަނިޔާކޮށް މަރުގެ ތުންފަތް މައްޗަށް ގެނެސް އޭނާ އަތުން ނެގި ބަޔާނަކީ ބޮޑު އޮޅުވާލުވެއް ކަމަށްވެސް ރައީސް ނަޝީދު ވިދާޅުވިއެވެ.
ރައީސް ނަޝީދު ސިއްކަގެ ދިފާއުގައި ޓްވީޓް ކުރައްވާފައިވަނީ ކުރީގެ ރައީސް ޔާމީން، 3 ނޮވެމްބަރަކީ ބިރުވެރި ސިއްކަ ދުވަސް ކަމާއި އެދުވަން އަނެއްކާވެސް އެނބުރި އައިސްފި ކަމަށް ވިދާޅުވެ ކުރެއްވިި ޓްވީޓަކާއި ގުޅިގެންނެވެ.
ރައީސް ޔާމީންގެ ޓްވީޓްގައި ވިދާޅުވެފައިވަނީ ނޮވެމްބަރު 3 ވީ އެ ބިރުވެރި ދުވަހު، ދިވެހިންގެ ތެރެއިން ސިއްކަ އާއިލާ އަށް ނިސްބަތްވާ ބަޔަކުވެސް ހިމެނޭހެން ތަމަޅައިންނާއި ގުޅިގެން ރާއްޖެއަށް ހަމަލާދިންގޮތް ސިފަކޮށް ސިފައިންގެ ތެރެއަށް ތަމަޑައިން ގްރެނޭޑް އުކި ކަމަށެވެ.
ނޮވެމްބަރު 3 ގެ ހަމަލާ އާއި ގުޅިގެން ސިއްކައަށް ކުރި ދައުވާ އަކީ ހަމަލާގެ މައުލޫމާތު އެނގިހުރެ އެކަން ސިއްރު ކުރުމުގެ ދައުވާއެވެ. އެދުވަހުގެ ހަމަލާ އާއި ގުޅިގެން ސިއްކަ އަހުމަދު އިސްމާއިލް މަނިކު ތަހުގީގަށް ދިންބަޔާނުގައި އެހަމަލާ ދޭން އުޅޭކަން އޭނާ އަށް މާކުރިން އެނގޭ ކަމަށް ވަނީ އިއުތިރާފްވެފައެވެ. އަދި އެ ހަމަލާ ރޭވުމުގައި އިސްކޮށް ހަރަކާތްތެރިވި ހ ހާޖާރާގެ އަބްދުﷲ ލުތުފީވެސް ވަނީ ހަމަލާ އާއި ގުޅުންހުރި ހުރިހާ ކަމެއް ސިއްކަ އަށް އެނގޭނެ ކަމަށް ކޯޓުގަ އާއި ތަހުގީގުގައި ބުނެފައެވެ.
advertisment