ގދ ތިނަދޫގައި ޔޫމެޓް ސުކޫބާއިން ހިންގި ޑައިވިން ކޯސްތަކުގެ ދަސްވެނީންނަށް ސެޓިފިކެޓް ހަވާލުކޮށްފިއެވެ.
މި ސެޓިފިކެޓް ހަވާލުކޮށްފައިވަނީ ގދ ތިނަދޫގައި ބޭއްވި ހާއްސަ ރަސްމިއްޔާތެއްގެ ތެރެއިން މަޖިލީހުގެ ރައީސް އަދި ވެރިކަންކުރާ މައި ޕާޓީގެ ރައީސް މުހައްމަދު ނަޝީދުގެ އަތްޕުޅުންނެވެ.
ބައިނަލްއަގުވާމީ ފެންވަރުގައި ބަލައިގަންނަ މި ސެޓިފިކެޓް ޖުމްލަ 26 މީހުން ވަނީ ހާސިލްކޮށްފައެވެ. މިއީ ޔޫމެޓް ސުކޫބާ އަދި އިކޮނޮމިކް މިނިސްޓްރީ ގުޅިގެން ސަރުކާރުން ފަންޑުކޮށްގެން ކުރިއަށް ގެންދިޔަ ކޯސްތަކެކެވެ. މިކަމުގައި ވޯލްޑް ބޭންކް އަދި އެޑިއުކޭޝަން މިނިސްޓްރީގެ ހިއްސާވެސް ހިމެނެއެވެ.
Congratulations to the students who have completed the Government-funded Dive Master Courses at Umet Scuba. An initiative by the @MoEDmv and @WBMaldives, the training program supports course fees and stipend allowances for 26 trainees.@presidencymv pic.twitter.com/PZOjtHmpjx
— Economy & Trade (@MoEDmv) December 2, 2022
ޔޫމެޓް ސުކޫބާއިން ވަނީ ބޭސިކް އިން ފެށިގެން އެޑްވާންސް ލެވެލް އާއި ހަމައަށް ކޯސްތައް ކުރިއަށް ގެންގޮސްފައެވެ. އެގޮތުން ދަސްވެނިވި 26 ދަރިވަރުން ހާސިލްކޮށްފައި އެޑްވާންސް ސެޓިފިކެޓެވެ.
މި ކޯސްތައް ރައީސް ނަޝީދު ސިފަކުރެއްވީ ޒުވާނުންނަށް ލިބިގެންދާނެ ވަރަށް ފަހި ފުރުސަތުތަކެއްގެ ގޮތުގައެވެ. އަދި އެމަނިކުފާނު ވަނީ މިފަދަ ކޯސްތައް ކުރިއަށް ގެންދިއުމަށް ޔޫމެޓް ސުކޫބާއިން ކުރައްވަމުންގެންދަވާ މަސައްކަތް ފާހަގަކޮށް އެކަމަށްޓަކައި ޔޫމެޓް ސުކޫބާއަށް ޝުކުރު އަދާކުރައްވާފައެވެ.
