އަމިއްލަ ނަފްސު އިސްލާހު ނުކޮށް ގައުމާއި ރައްޔިތުންނަށް ރަނގަޅު ގޮތް ހޯދައި ނުދެވޭނެ ކަމަށް ހޯމް މިނިސްޓަރ އިމްރާން އަބްދުﷲ ވިދާޅުވެއްޖެއެވެ.
އިމްރާން ކުރެއްވި ޓުވިޓެއްގައި ވިދާޅުވި ގޮތުގައި ގައުމާއި ރައްޔިތުން އިސްލާހުކޮށް ހެޔޮ މަގަށް ބަދަލު ކުރަން އެދިވަޑައިގަންނަވާ ބޭފުޅުން ފައްޓަވަން ޖެހޭ ހިސާބަކީ އަމިއްލަ ނަފްސު އިސްލާހު ކުރުމުގެ ހިސާބުންނެވެ.
އިމްރާން ވަނީ އަމިއްލަ ނަފްސު އިސްލާހު ނުކޮށް ގައުމާއި ރައްޔިތުންނަށް ރަނގަޅު ގޮތް ހޯދައި ދެވިދާނެ ކަމާއި މެދު ސުވާލު އުފައްދަވާފައެވެ.
މީގެިއތުރުން އިމްރާން ވިދާޅުވީ އަނެކުން ކުރާ ކަންކަމުގެ މައްޗަށް ބާރުފޯރުވުމުގެ ފުރުސަތު ކޮންމެ މީހަކަށް ނުލިބުނަސް ތިމާގެ އަމިއްލަ ނަފްސު އިސްލާހުކޮށް ހެޔޮލަފާ މީހަކަށް ވުމީ ހަމަކޮންމެ މީހަކަށް ކުރެވޭނެ ކަމެއް ކަމަށެވެ. އަދި އެކަމަށް ބޭނުން ވަނީ އޙްލާސްތެރި ނިޔަތަކާއި ސާބިތު އަޒުމެއް ކަމަށް ވެސް އިމްރާން ވިދާޅުވިއެވެ.
advertisment