ސަރުކާރުގެ ފަރާތުން ބޯހިޔާވަހިކަމުގެ ހަތަރުހާސް ޔުނިޓުގެ މަޝްރޫއެއް ހިންގުމަށް ފިނޭންސް މިނިސްޓްރީ އަދި ފަހިދިރިއުޅުން ކޯޕަރޭޝަނާއިއެކު ވެވުނު އެއްބަސްވުމެއްގެ ދަށުން ހުޅުމާލޭގެ ދެވަނަ ފިޔަވަހިން 17 ބިމެއް ވިއްކާލާފައިވާކަމަށް އެޗްޑީސީ އިން ބުނެފިއެވެ.
ދެވަނަ ފިޔަވަހީގައި 4000 އުނިޓުގެ ބޯހިޔާވަހިކަމުގެ މަޝްރޫއުއެއް ހިންގުމަށް އެއްބަސްވުމެއްގެ ދަށުން 17 ބިމެއް ވިއްކާފައިވާކަމަށް ފާހަގަކޮށް އެޗްޑީސީއިން ބުނެފައިވާގޮތުން މަޝްރޫޢުއެއް ކުރިއަށް ގެންދިއުމަށް ބޭނުންވާ ކަންކަން ކޮށް ނިމުމުން ބިމުގެ މިލްކުވެރިކަން ބަދަލުކޮށްދެއެވެ.
އެހެންކަމުން ކަނޑައެޅިފައިވާ އުސޫލުގެ ދަށުން ހުރިހާ ފައިސާއެއް ދައްކާ ހަލާސްކޮށްފައިވާތީ ކޯޓުމެދުވެރިކޮށް މި މަހުގެ ތެރޭގައި ބިންތަކުގެ މިލްކުވެރިކަން ފިނޭންސް މިނިސްޓްރީގެ ނަން މައްޗަށް ބަދަލުކޮށްފައިވާނެކަަމަށް އެ ކުންފުނިން ބުނެފައިވެއެވެ.
ބަޔާނުގައި ވާގޮތުން، ހުޅުމާލޭގެ ބިން ހިއްކުމާއި، ވަސީލަތްތައް ގާއިމު ކުރުމުގެ މަސައްކަތްތައް ކޮށްފައިވަނީ އެ ކުންފުނިން އެކި ގޮތް ގޮތަށް ލޯނުތައް ނަގައި ހަރަދުތަކެއް ކޮށްގެންނެވެ. އެހެންކަމުން އެ ބިންތައް އެކި ބޭނުންތަކަށް ވިއްކުމަށްޓަކައި އަބަދުވެސް އަގުތަކެއް ކަނޑައެޅިފައިވާކަމަށް އެޗްޑީސީއިން ފާހަަގަކުރިއެވެ.
އެޗްޑީސީއިން ބުނެފައިވާގޮތުން، ހިންގޭ ކޮންމެ މަޝްރޫއުއެއްގެވެސް ބިމުގެ އަގު ދެއްކުމުން އެ ބިމެއްގެ މިލްކުވެރިކަން ބަދަލުކުރެއެވެ. އަދި ބިންތަކަކީ އިޖްތިމާއީ ބޯހިޔާވަހިކަން ތަރައްގީ ކުރުމަށް ބޭނުންކުރެވޭނެ ބިންތަކެއް ކަމަށްވުމުން ބިމުގެ އަގަކީ މަޝްރޫޢުތައް ހިންގާ އާންމުންނަށް ފޯރުކޮށްދޭއިރު، ލުއި އަގެއްގައި ދިނުމަށް މަގުފަހިވެގެންދާނެ ފަދަ ގޮތަކަށް ކަނޑައަޅާފައިވާ އަގެއްކަމަށްވެސް ބުނެފައިވެއެވެ.