ބިދޭސީ މަސައްކަތްތެރިންގެ ކޯޓާ ދޫކުރުމާއި އެހެނިހެން ކަންކަން ބެލެހެއްޓުމަށް އިކޮނޮމިކް މިނިސްޓްރީން ބޭނުންކުރަމުންދާ އެކްސްޕެޓް އޮންލައިން ގެ ހިދުމަތް އަންނަ އާދިއްތަ ދުވަހު އަލުން ފެށޭނެ ކަމަށް އެމިނިސްޓްރީން ވަނީ ބުނެފައެވެ.
އިކޮނޮމިކް މިނިސްޓްރީގެ ފަރާތުން އާއްމުކުރި ބަޔާނެއްގައި ބުނެފައިވަނީ އެކްސްޕެޓް ސިސްޓަމްގެ ހިދުމަތް މެދުކެނޑުމަށް ފަހު އަލުން އެހިދުމަތް ދޭއިރު، އެ ހިދުމަތް މެދުވެރިކޮށް ބިދޭސީންގެ ކޯޓާ ފީވެސް ދައްކާލެވޭނެ ކަމަށެވެ.
ކޯޓާ ފީ އަކީ ވަގުތުން ދައްކަންޖެހޭ 2000 ރުފިޔާގެ ފީއެކެވެ.
އެކްސްޕެޓް އޮންލައިން ހިދުމަތުގެ ފެންވަރު ރަނގަޅުކުރުމުގެ ގޮތުން އެހިދުމަތް މެދުކަނޑާލެވުނީ ހުސްވި ފެބްރުއަރީ މަހުގެ 26 ވަނަ ދުވަހުއެވެ.
އެސްޕެޓް އޮންލައިން ސިސްޓަމް މެދުވެރިކޮށް ކޯޓާ އަށް އެދުމާއި އެމްޕްލޯއިމަންޓް އެޕްރޫވަލް އަށް އެދުން ފަދަ ހިދުމަތްތަކަށް އޮންލައިން ކޮށް އެދެވެއެވެ.
