މާލޭގެ ގެއެއްގެ ފަސްވަނަ ބުރިން ކުޑަކުއްޖަކު ވެއްޓި، ނިޔާވެއްޖެއެވެ.
ފުލުހުން ބުނި ގޮތުގައި އެހާދިސާ ހިނގާފައިވަނީ ރޭ މެންދަމު 12:30 ހާއިރުއެވެ.
ފުލުހުން ބުނިގޮތުގައި ހެންވޭރު ގެއެއްގެ ފަސްވަނަ ފަންގިފިލާއިން ހަތަރު އަހަރުގެ ކުޑަކުއްޖަކު ވެއްޓުމާއި ގުޅިގެން، އެކުއްޖާ ވަނީ އޭޑީކޭ ހޮސްޕިޓަލަށްގެންދެވި ފަރުވާދޭން ފެށިފައެވެ.
އެކުއްޖާ ނިޔާވެފައިވަނީ އޭޑީކޭގައި ފަރުވާދެމުންދަނިކޮށެވެ. އަދި އެ މައްސަލަ ފުލުހުން ދަނީ އިތުރަށް ތަހުގީގް ކުރަމުންނެވެ.
މާލޭގައި ގޭގެ އާއި އުސް އިމާރާތްތަކުން ވެއްޓި އެކި ވަރުގެ އަނިޔާ ލިބުމުގެ އިތުރުން ނިޔާވުންފަދަ ހިތާމަވެރި ހާދިސާތައް މީގެ ކުރީގައިވެސް ހިނގާފައިވެއެވެ. އެފަދަ ހާދިސާތަކުގައި މަގުމައްޗަށް ވެއްޓިފައި ވަނީ ބެލްކަނިން ނުވަތަ ވައިގޮޅިންކަން ފާހަގަކޮށްލެވެއެވެ.
