ސިނަމާލެ ބްރިޖް ކައިރީގައި އެކްސިޑެންޓެއް ހިނގައި މީހަކަށް އަނިޔާވެއްޖެއެވެ.
އެކްސިޑެންޓް ހިނގާފައިވަނީ ބްރިޖްގައި ހުންނަ ޓްރެފިކް ލައިޓް ކައިރީގައި ފުލުހުންގެ ވެހިކަލް އަކާއި ސައިކަލަކާ ޖެހިގެންނެވެ.
މި އެކްސިޑެންޓްގައި ސައިކަލް ދުއްވަން އިން މީހާއަށް ވަނީ އަނިޔާވެފައި ކަމަށް ފުލުހުން ވަނީ ބުނެފައެވެ.
އެކްސިޑެންޓްގައި އަނިޔާވި މީހާއަށް ހުޅުމާލެ ހޮސްޕިޓަލްގައި ފަރުވާދެމުން ދާއިރު، މައުލޫމާތު ލިބިފައިވާ ގޮތުގައި އޭނާގެ ހާލު ސީރިއަސް އެއް ނޫނެވެ.
މި އެކްސިޑެންޓާއި ގުޅިގެން ބަލަންޖެހޭ ކަންކަން ބަލަމުންދާ ކަމަށް ފުލުހުން ވަނީ ބުނެފައެވެ.
