މޫކޭ މަޖިލީހުގެ ހުޅުމާލެ އުތުރު ދާއިރާއަށް ވާދަކުރަނީ!

ރައީސް އިބްރާހިމް މުހައްމަދު ސޯލިހުގެ ސަރުކާރުގައި، ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ގެ މެނޭޖިން ޑިރެކްޓަރަކަށް ހުންނެވި މޫސާ އަލިމަނިކު (މޫކޭ) ރައްޔިތުންގެ މަޖިލީހަށް ވާދަކުރައްވާނެކަން އިއުލާނުކޮށްފި އެވެ.

ރައީސް ސޯލިހާއި، ރައީސް މުހައްމަދު ނަޝީދު ދެމެދު ސިޔާސީ ގޮތުން މައްސަލަތައް ޖެހި އެމްޑީޕީ ދެބައިވެގެން ދިޔައިރު މޫކޭއަކީ ރައީސް ނަޝީދާއި ދެކޮޅަށް ފާޅުގައި ނިކުމެ އެންމެ ބޮޑަށް ފާޑުވިދާޅުވެ ވާހަކަ ދެއްކެވި މެމްބަރެވެ. އަދި ރައީސް ސޯލިހުގެ ދިފާއު ކުރުމާއި ސަރުކާރުގެ ސިޔާސަތުތައް ކުރިއެރުވުމުގައި އޭނާ ގިނަ މަސައްކަތްތަކެއް ކުރެއްވި އެވެ.

މަޖިލީހަށް ވާދަކުރެއްވުމަށް ނިންމައި، މޫކޭ ވިދާޅުވީ އޭނާ ނިކުންނަނީ ހުޅުމާލެ އުތުރު ދާއިރާއަށް ކަމަށެވެ. އެއީ ހުޅުމާލެ ދެވަނަ ފިޔަވަހި ދާއިރާއެވެ.

މޫކޭ ވިދާޅުވީ ބޭނުން ވަނީ ރައްޔިތުންގެ އަޑުއިއްވަންކަމަށާއި، ފޭސް ދޭއްއަށް ދިރުން ގެނެސްދޭ މީހަކަށް ވާނީ އޭނާ ކަމަށެވެ. އަދި ގާނޫނުއަސާސީން ކަށަވަރުކޮށްދޭ ހައްގުތައް ހޯދައިދިނުމަށް ބިރެއް، އިމެއް ނެތި ވަކާލާތު ކުރުމާއި މާލެ ދަފްތަރަކީ މާލޭގެ ރައްޔިތުންގެ ގޮތުގައި ބަލައިގަންނާނެކަމަށް ވިދާޅުވި އެވެ.

بسم الله الر حمٰن الر حيم

އައްސަލާމު ޢަލައިކުމް.

އަޅުގަނޑު، މޫސާ ޢަލީމަނިކު (މޫކޭ)، ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގައި ދިވެހި ރައްޔިތުންގެ ޑިމޮކްރެޓިކް ޕާޓީ (އެމް.ޑީ.ޕީ)ގެ ފަރާތުން ވާދަކުރާނެ ކެނޑިޑޭޓުން ކަނޑައެޅުމަށް އެ ޕާޓީގެ ފަރާތުން ބާއްވާ ޕްރައިމަރީގައި… pic.twitter.com/WDLdC3yWO7

— Moosa Ali Manik 🇲🇻 (@VMookey) December 23, 2023

އެގޮތުން ދަފްތަރަށް ގާނޫނީ ފަރުވާއިން، ދާއިމީ ހައްލެއް ގެނެސްދޭނެކަމުގެ ވައުދާއި އެކު މޫކޭ ވިދާޅުވީ ދާއިރާގެ ހުރިހާ ރައްޔިތުންގެ ތާއީދަށް އެދޭ ކަމަށެވެ.

މޫކޭ ވަނީ 19 ވަނަ މަޖިލީހުގެ ޓިކެޓު ހޯދުމަށް އެމްޑީޕީގެ ޕްރައިމެރީގެ މަޑުއްވަރީ ދާއިރާއަށް ވެސް ވާދަކުރައްވާފަ އެވެ.