ބ. އަތޮޅުގައި އާރްޓީއެލްގެ ހިދުމަތް ރަސްމީކޮށް ފަށައިފި

ރާއްޖެ ޓްރާންސްޕޯޓު ލިންކު(އާރްޓީއެލް) ހައި ސްޕީޑު ފެރީ ހިދުމަތް ޒޯން 2 ބ. އަތޮޅުގައި ރަސްމީކޮށް ފަށައިފިއެވެ.

ބ. އަތޮޅު ޒޯން 2 އިފްތިތާހުކުރުން

އާރްޓީއެލް ފެރީގެ ހިދުމަތް ޒޯން 2 އިފްތިތާހުކޮށްދެއްވީ، ރައީސް  ބ. އަތޮޅުގެ ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު އޭދަފުއްޓަށް ވަޑައިގެންނެވެ. އެގޮތުން، މި ހިދުމަތް އިފްތިތާހުކޮށްދެއްވުމަށްޓަކައި ބޭއްވުނު ރަސްމިއްޔާތު ޝަރަފުވެރިކޮށްދެއްވާ، ރައީސް މުއިއްޒު ވަނީ، މި ހިދުމަތް ރަސްމީކޮށް ފައްޓަވައިދެއްވައިފއެވެ.

މީގެއިތުރުން، މި ރަސްމިއްޔާތުގައި، މިނިސްޓަރ އޮފް ޓްރާންސްޕޯޓު މުހައްމަދު އަމީންއާއި އެމްޓީސީސީގެ މެނޭޖިންގ ޑިރެކްޓަރު (ޑީސީޕީ ރިޓަޔަރޑް) އަހުމަދު ސައުދީގެ އިތުރުން، އަތޮޅުގެ ކައުންސިލުގެ ރައީށްއާޢި ރަށު ކައުންސިލުތަކުގެ ރައީސުންނާއި، އެ ރަށު ކައުންސިލުގެ މެމްބަރުންގެ އިތުުރުން، ސަރުކާރުގެ އިސް އޮފިޝަލުން ވަނީ ބައިވެރިވެލައްވައިފައެވެ.

ހިދުމަތުގެ ތަފްސީލު

އާރްޓީއެލް ފެރީ ހިދުމަތަކީ، ރާއްޖޭގެ ދަތުރުފަތުރުގެ ނިޒާމު ހަރުދަނާކޮށް، ރާއްޖޭގެ ރަށްތައް ދަތުރުފަތުރުގެ ނިޒާމަކުން ގުޅުވާލުމަށްޓަކައި ސަރުކާރުން ކުރަމުންދާ މުހިއްމު މަޝްރޫއެކެވެ. އެގޮތުން، މި މަޝްރޫއުގެ ދަށުން ދިވެހި ރައްޔިތުންނަށް ދެވޭ ފެރީގެ ހިދުމަތް ފޯރުކޮށް، އާރްޓީއެލް ހިންގުމާއި ސަރުކާރުން ހަވާލުކޮށްފައިވަނީ އެމްޓީސީސީއަށެވެ.

ޒޯން 2 ގެ ބ. އަތޮޅުގެ އާރްޓީއެލް ފެރީގެ ހިދުމަތް ހަފްތާއަކު، 7 ދުވަހު ކުރިއަށް ގެންދެވޭނެއެވެ. އެގޮތުން، މި ހިދުމަތުގައި އާރްޓީއެލް ބްރޭންޑެޑް 2 ސްޕީޑު ފެރީ މެދުވެރިކޮށް، ދަތުރުކުރުމަށް ހަމަޖެހިފައިވާއިރު، ޒޯން 2 ގެ ބ. އަތޮޅުގެ އާރްޓީއެލް ފެރީ ދަތުރުކުރާނީ 3 ރޫޓަކުންނެވެ. އަދި، މި ބ. އަތޮޅުގައި ހިދުމަތް ފެށިގެން ދިޔުމާއިއެކު، އެއަތޮޅުގައި މީހުން ދިރިއުޅޭ 13 ރަށް ވެސް ފެރީގެ ނިޒާމުން ވަނީ ގުޅާލެވިފައެވެ.

މީގެއިތުރުން، އާރްޓީއެލް ފެރީގައި، ޖުމްލަ 50 މީހުންނަށް ދަތުރުކުރުމުގެ ކެޕޭސިޓީ ހުންނައިރު، މި ފެރީތަކަކީ، ބާރު ސްޕީޑުގައި ދަތުރުކުރުމުގެ ގާބިލުކަން ހުރި، އަދި އޭސީކޮށްފައިވާ ލޯންޗުތަކެވެ.

ހަމައެއާއިއެކު، މި ފެރީތައް އޮޕަރޭޓްކުރުމުގައި ހަރަކާތްތެރިވާ، ފަޅުވެރިނާއި ކައްޕިންނަކީ، މި މަސައްކަތްކުރުމަށް ހާއްސަ ތަމްރީތައް ފުރިހަމަކޮށްފައިވާ، ގާބިލު މުވައްޒަފުންކަމަށް އެމްޓީސީސީން ހާމަކޮށްފައިވެއެވެ. އަދި، މި ފެރީގެ ހިދުމަތުގެ ހާއްސަ އެއް ސިފައަށް ބަލާއިރު، އެއްވެސް ރައްޔިތަކު ބާކީނުކުރުމުގެ ސިޔާސަތެއް ގެންގުޅޭކަން ހާމަވެގެންދެއެވެ. އެއީ، ހާއްސަ އެހީއަށް ބޭނުންވާ ފަރާތްތަކަށް، އެ ފެރީައި ހާއްސަ ކުރެވިފައިވާ ވީލްޗެއާ ޖާގަ އަދި މެޑިކަލް އިމަޖެންސީ ހާލަތްތަކުގައި ބޭނުންކުރަންޖެހިއްޖެނަމަ، ސްޓްރެޗަރަށްވެސް ހާއްސަ ޖާގައެއް، މި ފެރީގައި އެކުލެވިފައިވެއެވެ.

އާރްޓީއެލް ހިދުމަތް ފުޅާވި މިންވަރު

އާރްޓީއެލް ހިދުމަތް ބ. އަތޮޅުގައި ފެށުމުން، ޖުމްލަ 11 އަތޮޅެއްގައި މިހާރު، އެމްޓީސީސީން ދަނީ ދެމުންނެވެ. އެގޮތުން، ޒޯންތަކަކަށް މި ހިދުމަތް ބަހާލެވިފައިވާއިރު، އެ ޒޯންގައި ހއ އަތޮޅު، ހދ. އަތޮޅު، ށ އަތޮޅު ހިމެނެއެވެ. އަދި، ޒޯން 2ކަަށް ބަލާއިރު، މި ޒޯންގައި، ނ. އަތޮޅާއި، ރ، އަތޮޅާއި، ޅ، އަތޮޅާއި، ބ އަތޮޅުގައި މިހާރު ވަނީ އާރްޓީއެލް ހިދުމަތް ދޭން ފެށިފައެވެ.

މީގެއިތުރުން، ޒޯން 5 ގައި ގއ އަތޮޅާއި، ގދ އަތޮޅާއި އަދި ޒޯން 6ގައި ޏ އަތޮޅާއި، ސ އަތޮޅުގައި ވަނީ އާރްޓީއެލްގެ ހިދުމަތް ފެށިފައެވެ.

މުސްތަގުބަލަށް ކަނޑައެޅިފައިވާ އަމާޒު

އެމްޓީސީސީން ހާމަކޮށްފައިވާގޮތުންނަމަ، މިނިސްޓްރީ އޮފް ޓްރާންސްޕޯޓުގެ ލަފާގެ މަތިން، ރާއްޖެ ތެރެ ބާކީ އޮތް 9 އަތޮޅުތަކުގައިވސް އާރްޓީއެލްގެ ހިދުމަތް ފެށުމަށް ކުރަންޖެހޭ މަސައްކަތް، އެ ކުންފުނިން ކުރަމުންދާކަމަށެވެ.

ހިދުމަތުގެ ނަތީޖާ

ބ. އަތޮޅަށް އާރްޓީއެލްގެ ހިދުމަތް ފެށިގެން ދިޔުމާއިއެކު، އެ އަތޮޅުގެ ރައްޔިތުންނަށް ފަސޭހަކަމާއިއެކު، އަތްފޯރާ ފަށުގެ އަގެއްގައި، އެ އަތޮޅުތަކުގެ ރަށްތަކަށް ދަތުރުކުރުމަށް މަގުފަހިވެގެންދާނެއެވެ.