މާލެއިން ގެއްލިގެން ހޯދަން އިއުލާން ކުރި އަންހެން މީހާ މިހާރު ގެއަށް ގޮސްފައިވާ ކަމަށް ފުލުހުން ބުނެފިއެވެ.
މާލެއިން އަންހެނަކު ގެއްލިގެން ފުލުހުންނަށް ރިޕޯޓްކޮށްފައިވަނީ ރޭ ދަންވަރު 12:19 ހާއިރު އާއިލާއިންނެވެ. ގެއްލިގެންހޯދުމަށް ފުލުހަށް ރިޕޯޓްކޮށްފައިވަނީ ޅ. ނައިފަރު ކަށިމާގެ، ފާޠިމަތު ނޫރާ (32އ) އެވެ.
ރިޕޯޓްކުރުމާ ގުޅިގެން އެމީހާ ހޯދުމުގެ މަސައްކަތް ދިވެހި ފުލުހުންގެ ޚިދުމަތުން ފަށާފައިވާއިރު މިހާރު އެއަންހެންމީހާވަނީ އަމިއްލައަށް ގެއަށް ގޮސްފައެވެ.
