ސިޔާސީ ޕާޓީތަކުގެ އެންމެ އިސް ސިޔާސީ މަސައްކަތްތައް ކުރައްވާނީ ޕާޓީގެ ރައީސް ކަމަށާއި، އެހެންކަމުން ޕާޓީގެ ރައީސް ނައިބު ރައީސްގެ މަގާމު އުވާލުމަށް ތާއީދު ނުކުރާކަމަށް ހެރިޓޭޖް މިނިސްޓްރީގެ ކުރީގެ ސްޓޭޓް މިނިސްޓަރު މުހައްމަދު ތޯރިގް (މަނަދޫ ތޯރިގް) ވިދާޅުވެއްޖެ އެވެ.
އެމްޑީޕީގެ ކޮންގްރެސްއަށް ހުށަހަޅާފައިވާ އަސާސީ ގަވައިދުގެ އެންމެ ބޮޑު އިސްލާހަކީ ޕާޓީގެ ރައީސާއި ނައިބު ރައީސްގެ މަގާމު އުވާލުމެވެ. އަދި ޕާޓީގެ އެންމެ އިސް މަގާމަކީ، ޗެއާޕާސަންކަމަށް ހެދުމަށް ވަނީ ހުށަހަޅާފަ އެވެ.
ތޯރިޤް ވިދާޅުވީ ޕާޓީއެއް ހިންގުމުގައި އެންމެ އިސް ދައުރެއް އަދާކުރައްވަނީ ޕާޓީގެ ރައީސް ކަމަށްވާއިރު، އެ މަގާމަށް މީހަކު ހޮވުމުގައި ޕާޓީގެ އެންމެހައި މެންބަރުންގެ ބައިވެރިވުން އޮންނަންޖެހޭނެ ކަމަށެވެ. އަދި ޕާޓީގެ ލީޑަޝިޕް ކަނޑައެޅުމުގައި ޕްރައިމަރީއެއްގެ ތެރެއިން މެންބަރުންނަށް ވޯޓުލުމުގެ ފުރުސަތު ފަހިވެފައި އޮތުމަކީ ޑިމޮކްރެޓިކް ހަމަތަކުގެ މަތިން ކޮންމެހެން މުހިންމު ކަމެއް ކަމުގައި އޭނާ ފާހަގަކުރެއްވިއެވެ.
ތޯރިގް ވިދާޅުވީ ޕާޓީގެ ހިންގުމުގެ އެންމެ އިސްކޮށް ހުންނަން ޖެހޭނީ، ރައީސްކަމަށާއި އެކަން ބަދަލުވާން ޖެހޭކަމަށް ގަބޫލު ނުކުރެވޭ ކަމަށެވެ.
