ފެމިލީ ކޯޓުގެ އިސް ގާޒީކަމަށް ކުރިމަތި ލުމުގެ ފުރުސަތު ޖުޑިޝަލް ސާވިސް ކޮމިޝަން (ޖޭއެސްސީ) އިން ހުޅުވާލައިފި އެވެ.
އެ މަގާމަށް ކުރިމަތިލެވޭނީ ފެމިލީ ކޯޓަށް އައްޔަން ކުރެވިފައިވާ، އެ ކޯޓުގައި މަސައްކަތް ކުރަމުންގެންދާ ފަނޑިޔާރުންނަށް އެކަންޏެވެ.
މަގާމަށް ކުރިމަތިކުމުގެ ސުންގަޑިއަކީ މި މަހުގެ 11 ވަނަ ދުވަހުގެ 14:00 އެވެ.
ފެމިލީ ކޯޓުގެ އިސް ގާޒީ ކަމަށް ކުރިމަތިލުމަށް ހުޅުވައިލީ އެ މަގާމުގައި ކުރިން ހުންނެވި ހުޒައިފާ މުހައްމަދު ހައި ކޯޓިގެ ފަނޑިޔާރުކަމަށް މިދިޔަ ޖޫން މަހުގެ ތެރޭގައި އައްޔަން ކުރުމާ ގުޅިގެންނެވެ.
