އެމްޑީޕީ އާއި އެކު ކޯލިޝަނެއް ހަދައިގެން ރިޔާސީ އިންތިހާބުގައި މަސައްކަތްކުރުމަށް އަދާލަތު ޕާޓީއިން ނިންމާފައިވާތީ ފޮރިން މިނިސްޓަރު އަބްދުﷲ ޝާހިދު އެ ޕާޓީއަށް މަރުހަބާ ވިދާޅުވެއްޖެއެވެ.
2023 ވަނަ އަހަރުގެ ރިޔާސީ އިންތިހާބުގައި ރައީސް އިބްރާހިމް މުހައްމަދު ސާލިހަށް ތާއީދު ކުރުމަށް ނިންމައި އަދާލަތުން ނެރިފައިވާ ގަރާރަށް އަލި އަޅުއްވައި ޝާހިދު ވިދާޅުވީ، އެ ޕާޓީގެ ނިންމުމަށް އެނާ މަރުހަބާ ކިޔާކަމަށެވެ.
ޝާހިދު ވިދާޅުވީ، އެ ދެ ޕާޓީއިންވަނީ 2018 ވަނަ އަހަރުގެ ތެރޭގައި އެކުގައި މަސައްކަތްތަކެއް ފައްޓާފައިކަމަށެވެ. އަދި އެއީ ރާއްޖޭގެ އެންމެހާ ރައްޔިތުންނަށް ހެވާއި ލާބަ ހޯދައިދެއްވުންކަމަށާއި، އަދާލަތުގެ ނިންމުމާއިއެކު އެ މަސައްކަތްތައް ކުރިއަށް ގެންދެވޭނެކަމަށްވެސް މިނިސްޓަރު ވިދާޅުވިއެވެ.
Welcome the decision of @AdhaalathOffice to join President @ibusolih in the Presidential Election 2023.
Together, we can continue the work we began in 2018, to ensure prosperity for all Maldivians. #Ibu2023 https://t.co/NEUNsaOSYz
— Abdulla Shahid (@abdulla_shahid) February 23, 2023
އަދާލަތު ޕާޓީގެ ނިންމުމަށް ރައީސް ސާލިހު ފެކްޝަނަށް ނިސްބަތްވާ މެމްބަރުން މަރުހަބާ ވިދާޅުވަމުންދާއިރު، އެމްޑީއޭއިންވެސް ވަނީ ކެނޑިޑޭޓެއް ނުނެރޭނެކަން ހާމަކޮށްފައެވެ. ބައެއް މީޑިއާތަކުން ރިޕޯޓުކޮށްފައިވާގޮތުން، އެ ޕާޓީއިންވެސް ވަނީ ރައީސް ސާލިހަށް ތާއީދު ކުރުމަށް ނިންމާފައެވެ.
