ވެރިކަން ކުރާ މައި ޕާޓީ އެމްޑީޕީން ރައީސް މުހައްމަދު ނަޝީދު އިސްތިއުފާ ދެއްވައިފި އެވެ.
އެމްޑީޕީގެ އެތެރޭގައި ހިޔާލުތަފާތުވުންތައް، އުފެދުނުތާ އެތައް ދުވަހެއް ފަހުން ރައީސް ނަޝީދު ޕާޓީން ވަކިވީއިރު އެމަނިކުފާނާއި އަރިސް މެމްބަރުން ދަނީ އައު ޕާޓީއެއް އުފެއްދުމުގެ މަސައްކަތް ކުރަމުންނެވެ. 3،600 މެމްބަރުންގެ ސޮޔާއި އެކު ފޯމު ހުށަހަޅައި އެ ހުއްދަ ލިބުމުގައި ދަތިތަކާއި ކުރިމަތިވެ އިލެކްޝަންސް ކޮމިޝަން ވެސް މިވަގުތު އޮތީ ޑެޑްލޮކެއްގެ ތެރޭގަ އެވެ.
ރައީސް ނަޝީދު އެމްޑީޕީން އިސްތިއުފާ ދެއްވާނެކަން ކުރިން ވެސް އޮތީ ބެލެވިފަ އެވެ. ޕާޓީން އިސްތިއުފާ ދެއްވައި ރައީސް ނަޝީދު ވިދާޅުވީ އެ ނިންމުން ނިންމެވީ، ރާއްޖޭގައި މިވަގުތު ހިނގަމުން ދާ ކަންތަކަށް ބަލައި އެމަނިކުފާނު އެމްޑީޕީގައި ހުރުމަކީ އެއީ އެންމެ ރަނގަޅު ގޮތްކަމަށް ނުފެންނާތީ ކަމަށެވެ.
އެމްޑީޕީން ވަކިވެ، ދެން ރައީސް ނަޝީދު އެންމެ އަވަހަށް އަޅުއްވާނެ ފިޔަވަޅުކަމަށް ބެލެވެނީ ޑިމޮކްރެޓްސްއާއި ގުޅުމެވެ.
advertisment