އިއުލާނު ކުރެވިފައިވާ ބިންތަކުގެ 90 އިންސައްތަ ވުޖޫދުގައި ނެތްކަމަށް އިޝާރާތްކުރައްވާ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު ސަރުކާރަށް ފާޑުވިދާޅުވެއްޖެއެވެ.
މާލޭގެ ރައްޔިތުންގެ ބޯހިޔާވަހިކަމަށް ހައްލުތަކެއް ގެނެސްދެއްވުމުގެ ގޮތުން، ރައީސް ސާލިހު އިއުލާނުކުރައްވާފައިވާ ބިންވެރިޔާގެ ވަގުތީ ލިސްޓު އާންުމު ކުރުމާއިއެކު، ސައީދުވަނީ އެ ސްކީމުގެ ދަށުން ކުރެވެމުންދާ މަސައްކަތްތަކުގައި މައްސަލަތަކެއް ހުރިކަމަށް ފާހަގަކުރައްވާފައެވެ. އޭނާ ވިދާޅުވީ، ރައީސް ސާލިހު ހައްދަވަމުންދަނީ ބުހުތާނު ދޮގުކަމަށެވެ. އަދި ރައްޔިތުންނަށް އޮޅުވާލައްވަމުންދާކަމަށްވެސް ފާހަގަކުރެއްވިއެވެ.
ރިޔާސީ އިންތިހާބު ގާތްވެފައިވާއިރު، ސަރުކާރުން ގިނަ އަދަދެއްގެ މީހުންނަށް ގޯތިތައް ލިބުމުގެ އުންމީދު ދީފައިވާއިރު، ސައީދު ވިދާޅުވީ، ދެއްވާނެކަމަށް ރައީސް ވައުދުވެވަޑައިގެންނެވި ގޯތިތަކުގެ 90 އިންސައްތައަކީ ވުޖޫދުގައި ނެތް ބިންތަކެއްކަމަށެވެ. އޭނާ ވިދާޅުވީ، ދިވެހި ރައްޔިތުންނަށް ރައީސް ސާލިހު ދަސްވެފައިވާކަމަށެވެ. އަދި އެއްވެސް ރައްޔިތަކު ރައީސްއަށް އިތުބާރު ނުކުރައްވާކަަމަށް އޭނާ ވިދާޅުވިއެވެ.
ސައީދު ވިދޅާުވީ، ދިވެހި ދައުލަތުގެ ދަރަނިވަނީ 110 ބިލިއަންއަށް އަރާފައިކަމަށެވެ. އަދި މި ސަރުކާރުން ވަނީ 65 ބިލިއަންގެ ދަރަންޏެއް އުފައްދާފައިނަމަވެސް އެއްވެސް އޮއްޓަރެއްހުރި މަސައްކަތެއް ކުރެވިފައިނުވާކަމަށްވެސް ވިދާޅުވިއެވެ. ސައީދު ވިދާޅުވީ، ދައުރު ނިމުމަށާއި ރައީސް ސާލިހަށް އަލްވަދާއު ކިއުމަށް ބާކީ އޮތީ 80 ވަރަކަށް ދުވަސްކަމަށެވެ.
advertisment