ލ. މާވަށް ބިން ހިއްކުމުގެ މަޝްރޫއު މިނިސްޓްރީ އޮފް ނޭޝަނަލް ޓްރޭނިންގ، ހައުސިންގ އެންޑް އިންފްރާސްޓްރަކްޗާރ އިން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމް.ޓީ.ސީ.ސީ) އާއި ހަވާލު ކޮށްފި އެވެ.
މި މަޝްރޫއުގައި ރަށުގެ ބިމުގެ ދަތިކަމުގެ މައްސަލަ ހައްލުކުމަށްޓަކައި އިރު އުތުރު ފަރާތު ފަޅުތެރެއިން 15 ހެކްޓަރުގެ ބިން ހިއްކުމަށް ވަނީ ހަމަޖެހިފައެވެ. 240 ދުވަހުގެ ތެރޭގައި ނިންމާލަން ޖެހޭ ގޮތަށް ހަވާލު ކުރި މި މަޝްރޫއުގެ އަގަކީ 66 މިލިއަން ރުފިޔާގެ އެވެ.
ބިން ހިއްކުމުގެ މަޝްރޫއުގެ އެއްބަސްބުމުގައި ޕްލޭނިން މިނިސްޓްރީގެ ފަރާތުން ސޮއި ކުރީ ޑިރެކްޓަރ ޖެނެރަލް ފާޠިމަތު ޝާނާ ފާރޫޤެވެ. އަދި އެމް.ޓީ.ސީ.ސީގެ ފަރާތުން ސޮއިކުރީ ކުންފުނީގެ ސީ.އީ.އޯ އާދަމް އާޒިމެވެ.
