ވޯޓުލާ މީހުން ރަޖިސްޓްރީއާއި ގުޅޭ ގޮތުން ހުރި ޝަކުވާތައް ހުށައެޅުމުގެ މުއްދަތު މާދަމާ ހަމަވާނެ!

ރިޔާސީ އިންތިހާބު 2023 ގައި، ވޯޓުލާމީހުން ރަޖިސްޓަރީ ވެފައިވާ ފޮށީގެ މަޢުލޫމާތު ހިމެނޭ،  ވޯޓުލާ މީހުންގެ ރަޖިސްޓަރީ އިލެކްޝަންސް ކޮމިޝަން (އީސީ) އިން ޢާންމުކޮށްފިއެވެ.

ޝަކުވާއެއް އޮތްނަމަ، އޮގަސްޓް 15 ދުވަހުގެ 8:30 ން އޮގަސްޓު 16 ވާ ބުދަދުވަހުގެ 15:00 އަށް އީސީ އަށް ޝަކުވާ ހުށަހެޅުއްވުން އިސީއިން ވަނީ އެދިފައެވެ.

ރަޖިސްޓަރީ އީސީގެ ވެބްސައިޓް އިން ފެންނާނެކަމަށް ކޮމިޝަނުން ވަނީ މައުލޫމާތު ދީފައެވެ. ނުވަތަ VR space ID number ޖެއްސެވުމަށްފަހު، 1414 އަށް އެސްއެމްއެސް ކުރައްވައިގެންވެސް ބަލާލެވެއެވެ. އަދި 1414 އަށް ގުޅުއްވައިގެން ވެސް މައުލޫމާތު އޮޅުންފިލުވޭނެކަމަށް އީސީއިން ބުނެފައިވެއެވެ.

ޝަކުވާ ހުށަހަޅުއްވާނީ ރަޖިސްޓަރީ އަށް ޝަކުވާ ހުށަހަޅާ ފޯމުންކަމަށް ފާހަގަކޮށް އީސީއިން ބުނީ، ފޯމު އީސީގެ ވެބްސައިޓުން ނުވަތަ ކައުންސިލްތަކުގެ އިދާރާތަކުން ލިބޭނެކަމަށެވެ.