އެމްޑީޕީގެ ރިޔާސީ ކެންޑިޑޭޓު ރައީސް އިބްރާހިމް މުހައްމަދު ސާލިހުގެ ޓީމުން އެމަނިކުފާނު ބޭނުން ނުވާނެކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު އެމަނިކުފާނުގެ ނުރަސްމީ ޓްވިޓަރ އެކައުންޓުން ކުރެއްވި ޕޯސްޓެއްގައި ވިދާޅުވީ، ރައީސް ސާލިހުގެ ޓީމު މާ ގަދަވާނެކަމަށެވެ. އެހެންކަމުން އެމަނިކުފާނު ބޭނުން ނުވާނެކަމަށާއި އެކަން އަދިވެސް ނޭނގޭތޯވެސް ރައީސް ނަޝީދު ސުވާލު ކުރެއްވިއެވެ. އެމަނިކުފާނުގެ މި ފަދައިން ވިދާޅުވީ، ރައީސް ސާލިހަށް ތާއީދުކުރައްވާ އެކްޓިވިސްޓަކު އެމަނިކުފާނާއި ރައީސް އެކުގައި ހުންނެވި ފޮޓޯއަކަށް ކުރެއްވި ކޮމެންޓެއްގައެވެ.
Raees Solih ge team maa gadhavaane. Alhugadu beynumeh nuvaane. Adhives hama neygeynee dho!!!
— MN unofficial (@anedhivehirajje) September 9, 2023
ރައީސް ސާލިހާއި ގުޅިވަޑައިގަންނަވަން ފުރުސަތެއް ނެތްކަމަށް ރައީސް ނަޝީދު ސިފަކުރެއްވިއިރު، އެމަނިކުފާނުގެ އިރުޝާދުގެ ދަށުން އެމްޑީޕީ އާއި ވަކިވި މެމްބަރުތަކެއް އުފައްދާފައިވާ ދަ ޑިމޮކްރެޓްސްއިންވަނީ އިންތިހާބުގައި ވާދަކޮށްފައެވެ. އެ ޕާޓީގެ ކެންޑިޑޭޓު އިލްޔާސް ލަބީބަށް ލިބަޑައިގެންނެވީ 15،000 އާއި ގާތްކުރާ އަދަދެއްގެ ވޯޓެވެ.
advertisment