ބަޣާވާތަކުން ވެރިކަން ބަދަލުވެފައިވާ އެފްރިކާ ބައްރުގެ ގައުމެއްކަމަށްވާ ގަބޯންގައި ކުރިއަށް އޮތް ދެ އަހަރު ދުވަހުގެ ތެރޭގައި އިންތިހާބެއް ބާއްވާނެކަމަށް އަލަށް އައްޔަނުކޮށްފައިވާ އެ ގައުމުގެ ބޮޑުވަޒީރު ވިދާޅުވެއްޖެއެވެ.
ބައިނައްލަގުވާމީ މީޑިއާތަކުން ރިޕޯޓުކުރާގޮތުން، ގަބޯންގެ ވެރިއެއްގެ ގޮތުގައި ހުންނެވި އަލީ ބޮންގޯ ވެރިކަމުން ދުރުމަށްފަހު ވެރިކަމާއި ހަވާލުވި މީހުންވަނީ އިންތިހާބެއް ބާއްވާނެކަމަށް ބުނެފައެވެ. އެހެންނަމަވެސް އެކަމުގެ ތާވަލެއް ހިއްސާކޮށްފައިނުވާކަމަށް ބުނެފައިވެއެވެ.
އެހެންނަމަވެސް އަލަށް ގަބޯންގެ ބޮޑުވަޒީރުކަމުގެ މަގާމަށް އައްޔަނުކޮށްފައިވާ ރޭމަންޑް ވިދާޅުވީ، ކުރިއަށް އޮތް ދެ އަހަރު ދުވަހުގެ ތެރޭގައި އިންތިހާބެއް ބާއްވަން ޖެހޭނެކަމަށް އޭނާވާނީ ލިޔެކިއުމުން ދަންނަވާފައިކަމަށެވެ. އަދި ކުރިއަށް އޮތް ދުވަސްތަކުގެ ތެރޭގައި އެކަމަށް ބޭނުންވާ ތާވަލެއް އެކުލަވާލާނެކަމަށް ވެސް އޭނާ ވަނީ ހިއްސާކޮށްފައެވެ.
advertisment