އިންތިހާބީ ރައީސުލްޖުމްހޫރިއްޔާ އާއި އެމަނިކުފާނުގެ ނައިބު މަގާމުގެ ހުވާ ކުރުމުގެ ރަސްމިއްޔާތުގެ އިންތިޒާމުތަކާއި ގުޅޭގޮތުން ޑިރެކްޓާރ ޖެނެރަލް އޮފް ޓާރާންސިޝަން އާއި ރައްޔިތުންގެ މަޖިލީހުގެ އިދާރާއިން ބައްދަލުކޮށްފި އެވެ.
މިއަދުގެ މެންދުރު ފަހު މަޖިލިސް އިދާރާގައި އޮތް މި ބައްދަލުވުމުގައި ޑިރެކްޓަރ ޖެނެރަލް އޮފް ޓާރާންސިޝަން އަބްދުއްރަހީމާއި ޕްރޮގްރެސިވް ކޯލިޝަނުގެ ލީޑާޝިޕްގެ ބޭފުޅުންނެވެ. މަޖިލީހުގެ އިދާރާއިން މި ބައްދަލުވުމުގައި ބައިވެރިވެވަޑައިގަތީ އަމީން އާންމު ފާތިމަތު ނިއުޝާ އާއި ކައުންސެލް ޖެނެރަލް ފާތިމަތު ފިލްޒާ އެވެ.
އާންމު ރައްޔިތުންނަށް ބައިވެރިވެވޭ ގޮތަށް ޖުމްހޫރީ މައިދާނުގައި ހުވާ ކުރެއްވުމުގެ ރަސްމިއްޔާތު ކުރިޔަށް ގެންދެވެނޭ ގޮތް ހަމަޖައްސަވައިދެއްވުމަށް އިންތިހާބީ ރައީސް ޑރ. މުއިއްޒު ވަނީ މަޖިލީހުގައި އެދިވަޑައިގެންފަ އެވެ. އެކަމަކު ސީދާ އެކަމާއި ގުޅޭ ރަސްމީ ނިންމުމެއް މަޖިލީހުން ހާމައެއް ނުކުރެ އެވެ. އެހެންކަމުން އިންތިހާބީ ރައީސްގެ އެ ހުށަހެޅުއްވުމާއި ގުޅޭގޮތުން މިއަދު މަޝްވަރާ ކުރެވިފައި ވެއެވެ.
އިންތިޚާބީ ރައީސުލްޖުމްހޫރިއްޔާއާއި އެމަނިކުފާނުގެ ނައިބު މަގާމުގެ ހުވާކުރެއްވުމުގެ ޖަލްސާގެ އިންތިޒާމުތަކާ ގުޅޭގޮތުން، ޑިރެކްޓަރ ޖެނެރަލް އޮފް ޓްރާންސިޝަންއާ ބައްދަލުކުރުން pic.twitter.com/vNYgOxWmmB
— People's Majlis (@mvpeoplesmajlis) October 10, 2023
އިންތިހާބީ ރައީސް މުއިއްޒު ވިދާޅުވެފައި ވަނީ އެމަނިކުފާނު ބޭނުން ވަނީ ވީހާވެސް ގިނަ ރައްޔިތުންނަށް ފެންނަ ގޮތަށް ޝާމިލުވުން ހިމެނޭހެން ރަސްމިއްޔާތު ކުރިޔަށް ގެންދެވުމަށް ކަމަށެވެ.
2018 ގައި ރައީސް އިބްރާހިމް މުހައްމަދު ސޯލިހު ހުވާ ކުރެއްވީ ގަލޮޅު ދަނޑުގަ އެވެ. ގަލޮޅު ދަނޑުގެ ބަދަލުގައި ޖުމްހޫރީ މައިދާން ބޭނުންވާ ސަބަބެއްކަމަށް މުއިއްޒު ވިދާޅުވީ އެއީ މާލޭގެ އެންމެ މުހިންމު މައިދާނަށްވުމާއި އެކު ގައުމީ ބޮޑު ދިދައިގެ ކޯއްޓޭ ވެސް އެތަނުގައި ހުރުމެވެ.
advertisment