ރައްޔިތުންގެ މަޖިލީހުގެ ރައީސްގެ މަގާމުން، ރައީސް މުހައްމަދު ނަޝީދު ދުރު ކުރުމަށް ވޯޓު ނެގުން މިއަދު ވެސް ކުރިޔަށް ނުގެންދެވި މާދަމާގެ ޖަލްސާއަށް އެޖެންޑާކޮށްފި އެވެ.
މަޖިލީހުގެ މިއަދުގެ ޖަލްސާ ފައްޓަވަމުން އަމީން އާންމު ފާތިމަތު ނިޔުޝާ ވިދާޅުވީ، އީވާ އާލަސްކަންފުޅާ އުޅުއްވާތީ އެކަން ބަޔާން ކުރައްވައި މިއަދު ބޭއްވުމަށް ހަމަޖެހިފައިވާ ޖަލްސާއަށް ސަލާން ފޮނުއްވާފައިވާކަމަށެވެ. އަދި ސިޓީ ލިބުނީ ހެނދުނުގެ 6:17 ގައިކަމަށް ނިއުޝާ ވިދާޅުވިއެވެ.
ޖަލްސާގައި ނިއުޝާ ވިދާޅުވީ، މަޖިލީހުގެ ރައީސް ނަޝީދު ވަކި ކުރުމުގެ ގަރާރަކީ މަޖިލީހުގެ ގަވާއިދުގައިވާގޮތަށް، މުއްދަތު ދިނުމަށް ފަހު އެންމެ އަވަހަށް ރަސްމީ ބަންދު ނޫން ޖަލްސާއަށް ހުށަހަޅަން ޖެހޭ ގަރާރެއްކަމަށް ވާތީ މާދަމާގެ މަޖިލީހުގެ ޖަލްސާއަށް މި ގަރާރު އަލުން އެޖެންޑާކޮށް ރިޔާސަތު ބެލެހެއްޓެވުމަށް މަޖިލީހުގެ ނައިބް ރައީސަށް ދަންނަވާނެ ކަމަށެވެ.
advertisment