ހައިކޯޓުގެ ފަނޑިޔާރު ކަމުގެ މަގާމަށް ކުރިމަތި ލުމުގެ ފުރުސަތު ޖުޑިޝަލް ސާވިސް ކޮމިޝަން (ޖޭއެސްސީ) އިން ހުޅުވާލައިފިއެވެ.
ދިވެހި ރާއްޖޭރާއްޖޭގެ ހައިކޯޓުގެ ފަނޑިޔާރު ކަމުގެ މަގާމަށް ކުރިމަތި ލުމުގެ ފުރުސަތު ޖޭއެސްސީން ހުޅުވާލާފައިވަނީ ހައިކޯޓުގެ ފަނޑިޔާރު އަލްއުސްތާޛު އަހްމަދު ޝަކީލް ސިއްޚީ ސަބަބަކާއި ގުޅިގެން ރިޓަޔަރކުރަން ޖުޑިޝަލް ސާވިސް ކޮމިޝަން (ޖޭއެސްސީ) އިން ނިންމާ ރިޓަޔާ ކުރެއްވުމުންނެވެ.
ފަނޑިޔާރުންގެ ރިޓަޔަރމެންޓް ގަވާއިދުގައި ބަޔާންކޮށްފައިވާ ފަދައިން ބައްޔާއިބެހޭ ސްޕެޝަލިސްޓް ޑޮކްޓަރުގެ ލިޔެކިއުމާއެކު ރިޓަޔާވުމަށް އެދި ފަނޑިޔާރު ޝަކީލް ހުށަހެޅުއްވިކަން ޖޭއެސްސީން ފާހަގަކޮށްފައިވެއެވެ. އެހެންކަމުން ފަނޑިޔާރު ޝަކީލް ރިޓަޔާ ކުރެއްވުމަށް ނިންމީ ކޮމިޝަންގެ ޖަލްސާގައި ވޯޓްގައި ބައިވެރިވި މެމްބަރުންގެ އިއްތިފާގުން ކަމަށް އެ ކޮމިޝަނުން މައުލޫމާތުދެއެވެ.
ފަނޑިޔާރުންގެ ވަޒީފާއަށް ޖޭއެސްސީން ހުޅުވާލާފައިވާއިރު، ހައިކޯޓުގެ ފަނޑިޔާރުކަމަށް ބޭނުންންވަނީ އެއް ފަނޑިޔާރަކު ކަމަށާއި، މުސާރައަކީ 36000 ރފ. ކަމަށްވެސް އިއުލާނުގައި ބުނެފައެވެ.
advertisment