މިހާރު ފެންނަން މިއޮތް އެއާޕޯޓް މަޝްރޫޢުގެ “ކްރެޑިޓް” ދޭންޖެހެނީ ކުރީގެ ރައީސް ޔާމީން އަބްދުލްގައްޔޫމަށް ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑޭ) ވިދާޅުވެއްޖެއެވެ.
ވަހީދު މިފަދައިން ވިދާޅުވެފައި މިވަނީ އެއާރޕޯޓްގެ އެކްސްޕެންޝަން ޕްރޮޖެކްޓަށް ބޭނުންވާ ފައިސާ ޔޫއޭއީގެ އަބޫ ދާބީ ފަންޑް ފޯ ޑިވެލޮޕްމަންޓު (އޭޑީއެފްޑީ)ން ހަމަޖެއްސީ ރައީސް އިބްރާހިމް މުހައްމަދު ޞާލިހްގެ ސަރުކާރުން ކަމަށް ބައެއް މީޑިއާތަކުގައި ލިޔެފައިވާތީ މިކަމާއި ގުޅިގެން އެކްސްގައި ކުރެއްވި ޕޯސްޓެއްގައެވެ.
އިންތިޚާބީ ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ވަޢުދާއި އެއްގޮތަށް ރާއްޖޭގެ މައި ދޮރާށި، ވެލާނާ އިންޓަނޭޝަނަލް އެއާޕޯޓު ތަރައްޤީ ކުރުމުގެ މަޝްރޫޢު ނިންމުމަށް ޔޫއޭއީން 1.2 ބިލިއަން ދިވެހި ރުފިޔާ ދޭން ނިންމައިފައި ވާކަމަށް އިންތިހާބީ ރައީސްގެ އޮފީހުން ކަށަވަރު ކޮށްދީފައި ވާއިރު ފިނޭންސް މިނިސްޓަރު އަމީރު ވަނީ އެ ފައިސާ އަކީ މާކުރިން މި ސަރުކާރުގެ މަސައްކަތުން ހަމަޖެހިފައިވާ ފައިސާ ކަމަށް ވިދާޅުވެފަ އެވެ.
މިހާރު ފެންނަން މިއޮތް އެއާޕޯޓް މަޝްރޫޢުގެ ކްރެޑިޓް ދޭންޖެހެނީ ރ. ޔާމީނަށް ކަމަށް ދެކެން. https://t.co/yDPvEUMC9e
— Waddey (@waddey_) November 9, 2023
އެކަމާއި ގުޅިގެން އައުސަރުކާރާއި އަދުގެ ސަރުކާރާއި ދެމެދު ބަހުސްތައް ކުރިއަށްދާއިރު ވަހީދު ވަނީ އޭނާ ދެކެލައްވާ ގޮތުގައި އެއާޕޯޓް މަޝްރޫއު ގެ ކްރެޑިޓް ހައްގީ ރައީސް ޔާމީނަށް ކަމަށް ވިދާޅުވެފައެވެ.
advertisment