ޖުމްހޫރީ ދުވަހުގެ މުނާސަބަތުގައި ރައީސް އިބްރާހިމް މުހައްމަދު ސޯލިހު މާދަމާ ގައުމާއި މުހާތަބު ކުރައްވާނެކަމަށް ރައީސުލްޖުމްހޫރިއްޔާގެ އޮފީހުން ބުނެފި އެވެ.
ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވީ، ރައީސް ސޯލިހު ގައުމާ މުހާތަބު ކުރައްވާ ގޮތަށް ހަމަޖެހިފައި ވަނީ މާދަމާގެ ހެނދުނު 10:00 ގައެވެ. އަދި ރައީސް ގައުމާ މުހާތަބު ކުރައްވާއިރު، ޓީވީ ޗެނަލްތައް މެދުވެރިކޮށް ލައިވް ކުރުމަށް ހަމަޖެހިފައިވާކަމަށް ވެސް މިއުވާން ވިދާޅުވި އެވެ.
ނޮވެމްބަރު 11 ގައި ފާހަގަކުރާ ރާއްޖޭގެ ޖުމްހޫރީ ދުވަހަކީ، ވެރިކަން ޖުމްހޫރީ ވެރިކަމަކަށް ބަދަލުވީ ދުވަހެވެ. އެއީ 1968، ނޮވެމްބަރު 11 ގަ އެވެ. އޭރު ރާއްޖޭގެ ވެރިކަމަށް އިންތިހާބު ކުރެވުނީ އިބްރާހިމް ނާސިރެވެ.