ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހުސާން ގުދަންތަކަށް ޒިޔާރާތްކޮށްފިއެވެ.
އާ ސަރުކާރުގެ ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ދަށުގައި ހުރި އިދާރާތަކުގެ ގުދަންތަކާއި ބައެއް އިމާރާތްތަކަށް ޒިޔާރަތްކުރައްވައި ވަޒީރު އިހުސާން އެ ތަންތަނުގެ ހާލަތު ބައްލަވައިފިއެވެ. ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ދަށަށް ބަދަލުކުރި އިދާރާތަކުގެ ތެރޭގައި އިމިގްރޭޝަނާއި ކަސްޓަމްސް އަދި ޑިޕާޓްމަންޓް އޮފް ނެޝަނަލް ރެޖިސްޓްރޭޝަން (ޑީއެންއާރް) ހިމެނެއެވެ.
އެގޮތުން އެ ވުޒާރާގެ ދަށުގައި ހުރި ތަންތަންތަނުގެ ގުންދަތަކަށް ޒިޔާރަތްކުރެއްވުމާ ގުޅޭ ގޮތުން މިނިސްޓަރު އިހުސާން ވިދާޅުވީ އެތަންތަނުގެ ހާލަތު ބެއްލެވުމުގެ ބޭނުމަކީ އެތަންތަން ބޭނުން ކުރާނެ އެންމެ އެކަށީގެންވާ ގޮތްތައް ކަނޑައެޅުމާއި އެ ތަންތަނުގައި ހުރި ބާވެ ނީލަން ކިޔަން ޖެހޭ ސާމާނު ހުރިތޯ ބަލައި އެކަންކަން ކުރަން ކަމަށެވެ.
މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ @min_mohst ޢަލީ އިޙްސާން، ދޫނިދޫއަށް ޒިޔާރަތް ކުރައްވައި އެތަނުގައި @PoliceMv ގެ ފުލުހުން ކުރައްވަމުން ގެންދަވާ މަސައްކަތާއި ފުލުހުންގެ މަސައްކަތުގައި ބޭނުންކުރަމުން އަންނަ ބައެއް ވަސީލަތްތައް ބައްލަވާލައްވައިފި. pic.twitter.com/0OjGlFnX3B
— Ministry of Homeland Security & Technology, MV (@HomeMinistrymv) November 22, 2023
އާ ސަރުކާރުގެ ވަޒީރުން ގެންދަވަނީ އެ ވަޒީރުން ހަވާލުވެފައިވާ ވުޒާރާއާ ގުޅުން ހުރި ތަންތަނަށް ޒިޔާރަތްކުރައްވައި މުވައްޒަފުންނާ ވެސް ބަައްދަލުކުރައްވައި ހާލަތު ބައްލަވަމުންނެވެ. އެ ވުޒާރާގެ ދަށުގައިވާ ބައެއް ޢިމާރާތްތަކާއި ގުދަންތައް ބައްލަވާލައްވައިލައްވަން ކުރި ޒިޔާރަތުގައި ވަޒީރުގެ އަރިހުގައި އެ ވުޒާރާގެ ޕާމަނަންޓް ސެކްރެޓަރީ އާއި ވުޒާރާގެ އިސްވެރިން ބައިވެރިވެވަޑައިގެންނެވިއެވެ.
ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ވަނީ ދޫނިދޫއަށްވެސް ޒިޔާރަތް ކުރައްވައި އެތަނުގައި ގެ ފުލުހުން ކުރައްވަމުން ގެންދަވާ މަސައްކަތާއި ފުލުހުންގެ މަސައްކަތުގައި ބޭނުންކުރަމުން އަންނަ ބައެއް ވަސީލަތްތައް ބައްލަވާލައްވާފައެވެ.
