ކުރީގެ ޕްރޮސެކިއުޓާރ ޖެނެރެލް، މުހުތާޒް މުހުސިން ރައްޔިތުންގެ މަޖިލީހުގެ އިންތިހާބުގައި ވާދަކުރެއްވުމަށް ނިންމަވައިފި އެވެ.
އަންނަ އަހަރު ބާއްވާ މަޖިލީހުގެ އިންތިހާބުގައި ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އާއި ޕީޕަލްސް ނެޝަނަލް ކޮންގްރެސް (ޕީއެންސީ) ގެ ޓިކެޓުގައި ވާދަކުރުމަށް ބޭނުންވާ ކެންޑިޑޭސުން ފޯމު ހުށަހެޅުމަށް އެ ކޯލިޝަނުން ވަނީ ހުޅުވާލާފަ އެވެ. އަދި މި މަހުގެ 20 ގައި އިންތިހާބު ބޭއްވުމަށް ހަމަޖެހިފައިވާއިރު، ވާދަކުރުމުގެ ބައެއް ޝަރުތުތައް ވެސް ވަނީ ހަރުކަށިކޮށްފަ އެވެ.
އިންތިހާބުގައި ވާދަކުރުމަށް ނިންމައި މުހުތާޒް ވިދާޅުވީ އޭނާ ދަނގެތި ދާއިރާގެ ގޮނޑިއަށް ވާދަކުރުމަށް ނިންމީ ގައުމީ ހިދުމަތާއި ގުޅުމުގެ ހެޔޮނިޔަތުގައި ކަމަށެވެ. އެހެންވެ ދާއިރާގެ ރައްޔިތުންގެ ތާއީދާއި، އެއްބާރުލުމަށް މުހުތާޒް އެދިވަޑައިގަތެވެ.
ދިވެހިރައްޔިތުން ވަނީ ރައީސް ޑރ. @MMuizzu ގެ ހުށަހެޅުމާއި އެއްގޮތަށް ފުށިދިއްގަރު ފަޅު ތަރައްގީކުރުމަށް ފުރިހަމަ އަގުލަބިއްޔަތަކުން ރުހުންދީފަ. އެކަމަށް ހުރަސް އެޅުމަކީ ރައްޔިތުންގެ ނިންމުމާއި ދެކޮޅުހެދުން. ހަނދާނުގައި ބަހައްޓަންވީ ދެންވެސް ދާންއޮތީ ރައްޔިތުން ކައިރިއަށްކަން.
— Muhuthaz Muhusin🇲🇻🇵🇸 (@Muhuthaz) December 8, 2023
މުހުތާޒް ވަނީ ޕީޖީގެ މަގާމުގެ އިތުރުން ރާއްޖޭގެ ފުޓްބޯޅަ އެސޯސިއޭޝަންތަކާއި، ސެންޓްރަލް އޭޝިއަން ވޮލީބޯލް އެސޯސިއޭޝަންގެ ޑިސިޕްލިނަރީ ކޮމިޓީގެ ޗެއާގެ މަގާމު ވެސް އަދާކުރައްވާފަ އެވެ.