އިސްރާއީލަށް ޖާސޫސްކޮށްދިން މީހަކު އީރާނުން މަރާލައިފި

އިސްރާއީލުގެ ޖާސޫސަކު މަރާލާފައިވާކަމަށް އީރާނުން އިއުލާނުކޮށްފިއެވެ.

މީޑިއާތަކުން ބުނާގޮތުން އިސްރާއީލުގެ ޖާސޫސީ އިދާރާކަމަށްވާ މޮސާޑް އެޖެންޓަކު މަރާލާފައިވާކަން ކަށަވަރުކޮށްދީފައިވަނީ އީރާނުގެ ސަރުކާރުގެ މީޑިއާއިންނެވެ. އެ ގައުމުގެ ސަރުކާރުން ބުނެފައިވާގޮތުން މަރާލާފައިވާ މީހާއަކީ ބޭރު ގައުމުތަކާއި މުއާމަލާތްކޮށް އީރާނުގެ ސިއްރު މައުލޫމާތުތައް ހިއްސާކުރަމުންދިޔަ މީހެކެވެ.

އެ ގައުމުން ބުނާގޮތުން އެ މީހާއަކީ އިސްރާއީލުގެ މޮސާޑްއަށް މައުލޫމާތު ދެމުންދިޔަ ޖާސޫސެއްކަަމަށެވެ. އަދި ލިޔެކިއުންތައް ދިނުންފަދަ އަމަލުތައްވެސް ހިންގާފައިވާކަމަށް ބުނެފައިވާއިރު، މީހާގެ ވަނަަވަރު ހާމަވެގެންދާ ފަދަ އެއްވެސް މައުލޫމާތެއް ދީފައިނުވެއެވެ.

އީރާނުގެ ސަރުކާރުން ބުނެފައިވާގޮތުން މަރާލާފައިވާ މީހާއަކީ ސިއްރު މައުލޫމާތުތަކެއް މޮސާޑުގެ އިންޓެލިޖެންސް އޮފިސަރަކަށް ގެންގޮސްދިންކަމަަށެވެ. އަދި އަކަމުގެ މަގުސަދަކީ އީރާނާއި ދެކޮޅު ޖަމިއްޔާ ޖަމާއަތްތަކަށް މައުލޫމާތު ހިއްސާކުރުންކަމަށްވެސް ބުނެފައިވާއިރު، އެ އަމަލުތައް ހިންގި ތަން ފަދަ މައުލޫމާތެއް ދީފައިނުވާކަން މީޑިއާތަކުން ފާހަގަކުރެއެވެ.

މީޑިއާތަކުން ބުނާގޮތުން، ޖާސޫސެއްކަމަށް ބުނާ މީހާ އެންމެ ފުރަތަމަ އީރާނުގެ ސަލާމަތީ ބާރުތަކުގެ ބެލުމުގެ ދަށަށް ގެންގޮސްފައިވަނީ ކޮން އިރަކުކަމެއްވެސް ސާފުކޮށްދީފައިނުވެއެވެ.