ރާއްޖޭގެ އިސްލާމީ ފަތުވާ ކައުންސިލް ތަރައްގީ ކުރުމަށް އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ އިންޓަނޭޝަނަލް އިސްލާމިކް ފިގުހު އެކަޑަމީއާއި އެކު ރާއްޖޭގެ އިސްލާމިކް މިނިސްޓްރީން އެއްބަސްވުމެއް ގާއިމުކޮށްފި އެވެ.
މީޑިއާތަކަށް ދިން މައުލޫމާތުތަކުގައި އެ މިނިސްޓްރީން ބުނީ މި އެއްބަސްވުމުގެ މަގްސަދަކީ ފަތުވާ ދިނުމުގެ ނިޒާމު ހަރުދަނާކޮށް ރާއްޖޭގެ އިސްލާމީ ފަތުވާ ކައުންސިލް ތަރައްގީކޮށް ޒަމާނީ ފިގުހީ މައްސަލަތަކަށް އިލްމީ ހައްލު ހޯދުމުގައި ގުޅިގެން މަސައްކަތް ކުރުން ކަމަށެވެ.
އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައިދާއި ދެމެދު އައިއޯސީގެ އިންޓަނޭޝަނަލް އިސްލާމިކް ފިގުހު އެކަޑަމީގެ ފަރާތުން ސޮއި ކުރައްވީ އެކަޑެމީގެ ސެކްރެޓަރީ ޖެނެރަލް ޕްރޮފެސާރ ޑރ. ގުތުބު މުސްތަފާ ސާނޫ އެވެ.
The International Islamic Fiqh Academy of the Organization of Islamic Cooperation (OIC) and the Ministry of Islamic Affairs of Maldives have entered into a strategic agreement. pic.twitter.com/5KLINKsPx2
— Ministry of Islamic Affairs (@MVIaffairs) January 14, 2024
އޯއައިސީގެ އިންޓަނޭޝަނަލް އިސްލާމީ ފިގުހު އެކަޑެމީ އެއީ އިސްލާމީ ދުނިޔޭގައި އޮންނަ އިސްލާމީ އެންމެ މަތީ ކައުންސިލެވެ.
advertisment