އެމްޑީޕީގެ ޓިކެޓުގައި ކައުންސިލަށް ހޮވުނު ރިޝްވާން މަގާމުގެ ހުވާކުރުމުގެ ކުރިން ޕީއެންސީއަށް

ދާދިފަހުން ބޭއްވި މާލޭގެ ދާއިރާތަކުގެ ބައި އިލެކްޝަނުގައި، އެމްޑީޕީގެ ޓިކެޓުގައި ވާދަކޮށް މެދުހެންވޭރު ދާއިރާގެ ކައުންސިލް ގޮނޑި ކާމިޔާބު ކުރި އަހުމަދު ރިޝްވާން ސަރުކާރާއި ގުޅިވަޑައިގެންފި އެވެ.

މާލެ ސިޓީގެ ހުސްވެފައިވާ ހަތަރު ގޮނޑިއަށް މެމްބަރުން އިންތިހާބު ކުރުމަށް ބޭއްވި ބައި އިލެކްޝަނުގައި ޕީއެންސީއަށް ދެ ގޮނޑި ކާމިޔާބު ކުރެވުނެވެ. އަދި އެމްޑީޕީން ކާމިޔާބު ކުރީ މާލޭގެ މޭޔަރުކަމުގެ ގޮނޑިއާއި، މެދުހެންވޭރު ދާއިރާ އެވެ.

Male' City Council in husavefaivaa Medhu Henveyru Dhaaira ah MDP ticket gai inthikhaab vevadaigennevi council member Ahmed Rishwan miadhu vanee PNC aa gulhivadaigenfa
Mar'habaa PNC Raees ⁦@MMuizzu⁩
Mar'habaa Coucillor Rishwan pic.twitter.com/VcGrcejyxA

— Progressive Party of Maldives (@ProgressPartyMV) January 22, 2024

މޭޔަރުކަމަށް އިންތިހާބުވެފައި ވަނީ އެމްޓީސީސީގެ ކުރީގެ ސީއީއޯ އާދަމް އާޒިމެވެ.

މަގާމުގެ ހުވާ ކުރެއްވުމުގެ ކުރިޔަށް، ރިޝްވާން ޕީއެންސީއަށް ސޮއި ކުރެއްވުމުން ފޯމާއި ހަވާލުވެވަޑައިގަތީ ކޮންގްރެސް ކޯލިޝަން ލީޑަރު އަދި ރައީސް ޑރ. މުހައްމަދު މުއިއްޒެވެ.

އިންތިހާބު ކާމިޔާބު ކުރެއްވި ކެންޑިޑޭޓުންގެ ހުވާކުރެއްވުމުގެ ރަސްމިއްޔާތު މިރޭ ދަރުބާރުގޭގައި ބޭއްވުމަށް ވަނީ ހަމަޖެހިފަ އެވެ.

މާލެ ސިޓީ ކައުންސިލްގައި 19 މެމްބަރަކު ތިއްބަވާއިރު، މީގެތެރެއިން ސަރުކާރު ކޯލިޝަނަށް ނިސްބަތްވާ 13 މެމްބަރަކު އެބަތިއްބެވެ.