އަވައްޓެރި އިންޑިއާގެ ސިފައިންތަކެއް ބޯޓެއްގައި ދިވެހިރާއްޖޭގެ މަސް ދޯންޏަކަށް އެރިކަމަށް ބެލެވޭތީ އެކަމާއި މެދު ފިޝަރީސް މިނިސްޓަރު އަހުމަދު ޝިޔާމް ކަންބޮޑުވުންފާޅު ކުރައްވައިފި އެވެ.
ދިވެހިރާއްޖޭގެ ހާއްސަ އިގްތިސާދީ ސަރަހައްދުގައި ވަނިކޮށް، ބޭރުގެ އަސްކަރިއްޔާގެ ބޯޓެއް އެރިކަމުގެ މައުލޫމާތު ލިބުނުކަން ހާމަކުރީ އެމްއެންޑީއެފުންނެވެ. އެމްއެންޑީއެފުން ބުނީ ބޭރުގެ އަސްކަރިއްޔާއަކަށް ނިސްބަތްވާ އުޅަނދެއްގެ ބޯޑިން ޓީމަކުން މަސްދޯންޏަށް އެރިކަމުގެ ރިޕޯޓު ލިބިގެން އެ ދޯނި އޮތް ސަރަހައްދަށް ދަތުރު ކުރަމުންދާ ކަމަށެވެ.
ބައެއް މީޑިއާތަކުގައި ރިޕޯޓުކޮށްފައިވާ ގޮތުގައި އެއީ އދ. މަހިބަދޫގެ މަސްދޯންޏެއްކަމަށް ވާ އަސުރުމާ 3 ނަމަކަށް އުޅަނދެކެވެ.
އަސުރުމާ-3 ދޯނި ހއ .ތުރާކުނުގެ އިރުމަތިން 72 މޭލު ބޭރުގައި ބޮޑުކަންނެލީގެ މަސްވެރިކަން ކުރުމުގައި ހަރަކާތްތެރިވަމުން ދަނިކޮށް ބޭރު ޤައުމެއްގެ އަސްކަރީ އުޅަނދަކުން އަސުރުމާ 3 އަށް އަރައި ފަޅުވެރިންނާ ސުވާލުކޮށްފައިވާކަމީ އަޅުގަނޑު ނުހަނު ކަންބޮޑުވާ ކަމެކެވެ. މިއުޅަނދު… pic.twitter.com/DPaNFRWa8z
— Ahmed Shiyam (@Shiyamaldives) January 31, 2024
ސޯޝަލް މީޑިއާގައި ވާގޮތުން މަސް ދޯންނަށް އަރާފައި ވަނީ އިންޑިއާ ނޭވީ ސިފައިންނެވެ.
ސިފައިން އެރުން ކުށްވެރި ކުރައްވައި ޝިޔާމް ވިދާޅުވީ އަސުރުމާ-3 ދޯނި ހއ. ތުރާކުނުގެ އިރުމަތިން 72 މޭލު ބޭރުގައި ބޮޑުކަންނެލީގެ މަސްވެރިކަން ކުރުމުގައި ހަރަކާތްތެރިވަމުން ދަނިކޮށް ބޭރު ޤައުމެއްގެ އަސްކަރީ އުޅަނދަކުން އަސުރުމާ 3 އަށް އަރައި ފަޅުވެރިންނާ ސުވާލު ކުރިކަމަށެވެ. އަދި މިނިސްޓަރ ވިދާޅުވިގޮތުގައި އުޅަނދު ހަރަކާތްތެރި ވަމުން ދިޔައީ ދިވެހިރާއްޖޭގެ ކަނޑުގެ ސަރަހައްދުގައިކަން މިނިސްޓްރީގެ ވެސަލް މޮނީޓަރިންގ ސިސްޓަމްއިން ކަށަވަރުވެއެވެ. އަދި މިހާދިސާއާ ގުޅިގެން ކޯސްޑްގާޑާއި އުޅަނދުގެ ވެރިފަރާތާއި އެކު ގާތުން މަސައްކަތް ކުރަމުންދާކަމަށް މިނިސްޓަރ ވިދާޅުވި އެވެ.
advertisment
2 Responses
ކޮންކަހަލަ ޓްރެކިން ޑިވެއިސް އެއް ތި ދޯނީގައި ހުރީ އެނގޭގޮތައް ކިޔާ ޟިޔާމް
ފިޟަރީޒް މިނިސްޓްރީ ގައި ޑިވައިސް ބަހައްޓައިގެން މަސްވެރިން އުޅޭ ގޮތް ބަލަނީދޯ ބޯ ހަލާކު