130 މުވައްޒަފުންނަށްވުރެ ގިނަ މުވައްޒަފުން ހިމެނޭހެން އެމް.ޑަބްލިއު.އެސް.ސީގެ ކެންސަރ ސްކްރީނިން ޕްރޮގްރާމް ނިންމާލައިފިއެވެ.
ކެންސަރ ބަލީގެ ދުވަސް ފާހަގަކުރުމަށްޓަކައި އެމް.ޑަބްލިއު.އެސް.ސީ އިން ބޭއްވި ކެންސަރ ސްކްރީނިން ޕްރޮގްރާމަކީ އައިޖީއެމްއެޗް އާއި ކެންސަރ ސޮސައިޓީއާއި ގުޅިގެން ކުރިއަށް ގެންދިޔަ ޕްރޮގްރާމެކެވެ.
މިޕްރޮގްރާމަކީ ރާއްޖޭގައި ކެންސަރު ބައްޔާއި ބެހޭގޮތުން މީހުން ހޭލުންތެރި ކުރުމާއި ދުރާލާ ފިޔަވަޅު އެޅުމަށްޓަކައި ކުރިއަށްގެންދިޔަ ޕްރޮގްރާމެކެވެ. ކުންފުނިތަކުން މިފަދަ ކަންކަން ކުރަނީ މުވައްޒަފުންގެ ސިއްހީ ކަންކަން ބެލުމަށާއި އެ މުވައްޒަފުންގެ ރައްކާތެރިކަން ކަށަވަރު ކުރުމަށެވެ.
އެމް.ޑަބްލިއު.އެސް.ސީގެ އެމްޑީ ވިދާޅުވީ މުވައްޒަފުންނަކީ ކުންފުނީގެ ރައުސުލްމާލު ކަމަށެވެ. ކުންފުނި ދުޅަހެޔޮ ގޮތެއްގައި ކުރިއަށް ދާނީ އެތަނުގެ މުވައްޒަފުންގެ ސިއްހީ ކަންކަން ބެލެހެއްޓިގެން ކަމަށް އެމްޑީވިދާޅުވިއެވެ.
އެމްޑީ ވިދާޅުވީ ކެންސަރ ސޮސައިޓީއިން އެހިތެރިކަމެއް ބޭނުންވެއްޖެ ކޮންމެ ހާލަތެއްގައިވެސް އެމް.ޑަބްލިއު.އެސް.ސީ އިން އެ އެހީތެރިކަން ފޯރުކޮށްދެއްވާނެ ކަމަށެވެ.
