ފުރަތަމަ ފަހަރަށް އަތޮޅު ކައުންސިލްގެ ރައީސްގެ މަގާމަށް އަންހެނެއް، އާދަމް ޝަރީފްގެ ތައުރީފް!

ފުރަތަމަ ފަހަރަށް އަތޮޅު ކައުންސިލްގެ ރައީސްގެ މަގާމަށް އަންހެނެއް އިންތިހާބުވެއްޖެ އެވެ.

އަތޮޅު ކައުންސިލްގެ ރައީސަކަށް އަންހެނެއް އިންތިހާބުވެފައި މިވަނީ ލާމަރުކަޒީ ނިޒާމަށް އަމަލު ކުރަން ފެށިފަހުން ފުރަތަމަ ފަހަރަށެވެ.

ފ. އަތޮޅު ކައުންސިލްގެ މަގާމަށް މިއަދު އިންތިހާބު ކުރީ އެ އަތޮޅު ނިލަންދޫ، ފޮނިލުނބޯގެ ހައްވާ އަބްދުލް އަޒީޒެވެ. އޭނާ އަތޮޅު ކައުންސިލަށް ވާދަކުރީ ސަރުކާރުގެ މައި ޕާޓީ ޕީއެންސީގެ ޓިކެޓުގަ އެވެ.

ހައްވައަށް އިންތިހާބުގައި ލިބުނީ، 941 ވޯޓެވެ. އަދި އެމްޑީޕީގެ ކެންޑިޑޭޓު އިބްރާހިމް ޚަލީލަށް ލިބިފައި ވަނީ 888 ވޯޓެވެ.

މިއީ އަތޮޅު ކައުންސިލް ރައީސަކަށް އަންހެނެއް އިންތިހާބުވި ފުރަތަމަ ފަހަރުކަމަށްވުމާއި އެކު، އެކަމަށް ލޯކަލް ގަވަނެންސް މިނިސްޓަރ އާދަމް ޝަރީފް އުމަރު ވަނީ މަރުހަބާ ވިދާޅުވެފަ އެވެ.

F. Atoll Council ge Raees ge maqaamah alah hovivadaigennevi Hawwa Abdul Azeez ah hoonu maruhabaaeh dhannavan. Miee laamarukazee nizaamu gai anhenun baaruveri kurumah @MMuizzu kuravvamun gendhavaa strategic masakkathah libunu kaamiyaabeh! Hawwah furihama kaamiyaabee ah edhen.…

— Adam Shareef Umar (@Adamshareefz) February 10, 2024

މިއަދު އަތޮޅު ކައުންސިލްގެ ރައީސަކަށް އިންތިހާބުވި ހައްވަ ވަނީ ގިނަ ދުވަސްތަކެއް ވަންދެން ފ. އަތޮޅު ކައުންސިލްގެ އިދާރީ މަސައްކަތްތަކެއް ކުރައްވާފަ އެވެ. އަދި ކައުންސިލް އުފެދުމުގެ ކުރީގައި އަތޮޅު އޮފީހުގައި 2000 ގެ އަހަރުން ފެށިގެން އައީ މަސައްކަތް ކުރައްވަމުންނެވެ.

މީގެއިތުރުން މިއަދު އޮތް ފެލިދޫގެ ކައުންސިލް ގޮނޑި ވެސް ލިބުނީ ޕީއެންސީއަށެވެ. އަދި ޑަބްލިއުޑީސީގެ ރަސްގެތީމު ގޮނޑި ކާމިޔާބު ކުރީ އެމްޑީޕީގެ ކެންޑިޑޭޓެވެ.