ހުޅުމާލޭގެ 3 ވަނަ ފިޔަވަހީގެ 15 ހެކްޓަރުގެ ބިން މިހާރު ހިއްކާ ނިމިފައިވާ ކަމަށް ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ) އިން ބުނެފިއެވެ.
އެޗްޑީސީން އެކްސް ގައި ޕޯސްޓެއް ހިއްސާކޮށް ބުނެފައިވަނީ އެ ސަރަހައްދުގެ ބިން ހިއްކުމުގެ މަސައްކަތް މިހާރުވެސް ބާރު ދުވެލީގައި ކުރިއަށްދާ ކަމަށެވެ.
ކުރީގެ ރައިސް އިބްރާހީމް މުހައްމަދު ސާލިހުގެ ވެރިކަމުގައި ހުޅުމާލެއިން ގޯތި ދޫކުރި ސަރައްހަދު މި ސަރުކާރުން ހިއްކަން ފަށައިފަވާކަން ހާމަކުރެއްވީ މިދިޔަ އަހަރުގެ ޑިސެމްބަރު މަހު އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދު އެކްސްގައި ކުރެއްވި ޕޯސްޓެއްގައެވެ. ފަޒުލް ވިދާޅުވީ ހުޅުމާލެއިން ގޯތި ލިބުނު ފަރާތްތަކަށް ވެލިފުކެއްގެ މިންވަރުވެސް އުނިނުކޮށް ރައީސުލްޖުމްހުރިއްޔާ ޑރ މުހައްމަދު މުއިއްޒު ވިދާޅުވި ފަދައިން ލިބޭނެކަމަށެވެ.
ހުޅުމާލޭގެ 3 ވަނަ ފިޔަވަހީގެ ބިން ހިއްކުމުގެ މަސައްކަތް ހަލުވިކަމާއެކު ދަނީ ކުރިއަށް. މިހާތަނަށް 15 ހެކްޓަރުގެ ބިން ވަނީ ހިއްކާ ނިމިފައި.#WithHDC pic.twitter.com/GDspxtgvW7
— Housing Development Corporation (@hdcmaldives) April 4, 2024
ކުރީ ސަރުކާރުން ހިންގި “ބިންވެރިޔާ” ސްކީމުގެ ދަށުން ފޭސް 3 އަކުން 700 ގޯތި ދޫކުރަން ހަމަޖެއްސިއެވެ. އަދި އެ ތަނުގައި ޔޮޓް މެރީނާއެއްވެސް ހެދުމަށް ނިންމިއެވެ.