ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ގާނޫނީ ވަކީލުންގެ ޓީމުގައި މަސައްކަތް ކުރެއްވި އަބްދުﷲ ސިޔާޒު އިކޮނޮމިކް މިނިސްޓްރީގެ ސްޓޭޓްކަމަށް އައްޔަނުކޮށްފި އެވެ.
މިދިޔަ ސަރުކާރުގައި ރައީސް ޔާމީންގެ މައްޗަށް އެންމެ ފުރަތަމަ އުފުލި ގއ. ވޮޑަމުލާގެ ދައުވާތަކުގެ ޝަރީއަތުން ފެށިގެން، މިހާރު ވެސް ކުރިޔަށްދާ އަޑުއެހުންތަކުގައި ސިޔާޒް ވަނީ އިސްކޮށް ހަރަކާތްތެރިވެވަޑައިގެންފަ އެވެ.
ރައީސް ޔާމީންގެ މައްސަލައިގައި ތަފާތު އެކި ގޮތްގޮތަށް ވާހަކަތައް ދެކެވި، މި ސަރުކާރަށް ވެސް ތުހުމަތުތައް ކުރަމުން ދަނިކޮށް އެ ވާހަކަތައް ދޮގުކޮށް ސިޔާޒް ވަނީ އެކަމުގެ ޒިންމާ ނަގަން ޖެހޭނީ އެމްޑީޕީކަމަށް ވިދާޅުވެފަ އެވެ. ޝަރީއަތްތައް ލަސްކޮށް، ރައީސް ޔާމީނަށް އިންސާފު ހޯދައިދޭން ކުރި މަސައްކަތަށް އެންމެ ބޮޑަށް ހުރަސް އެޅީވެސް މިދިޔަ ސަރުކާރުންކަމަށް ސިޔާޒް ވިދާޅުވެފައި ވެއެވެ.
ރައީސް ޔާމީންގެ ސަރުކާރުގައި އިކޮނޮމިކް މިނިސްޓްރީގެ ޑެޕިއުޓީއެއްގެ މަގާމު ވެސް އަދާކުރައްވާފައިވާ ސިޔާޒް މަގާމަކަށް އައްޔަނު ކުރިކަން ރައީސް އޮފީހުން ކަށަވަރުކޮށްދެއެވެ.